араб, сущ 1) ял ягъун патал, рикӀ аладарун патал къекъуьн. Ингье, сиягьатдиз экъечӀнавай жегьилрин арада заз гьуьрмет авун къвердавай артух жезва. Къ. М. Экуь инсан. Юлдашри адаз... алатай гьяддин юкъуз колхоздин никӀериз сиягьатдиз финификай ва гзаф маса крарикай авур суьгьбет давам жез дуьз са сят алатна. А. А. Умуд. 2) чирвал хкажун патал, маса уьлквейра, вилаятра, хайи чуьллера, чилера къекъуьн. Чи сиягьат гзаф шадди, гзаф хуш вакъиайрив ацӀанвайди хьана. Гьикьван къариба адетар, имаратар авай хуьрериз фена чун, гьикьван чна ширин булахрин ятар дадмишна, гьикьван чун турулту гвай вацӀарилай алучӀна! Чаз халкьдин тарихдихъ галаз алакъалу чкаяр: къелеяр, муькъвер, карвансараяр акуна. Къ. М. Экуь инсан.... хайи чил Алирза Саидован лирикадин игит патал вири я: ам яргъал сиягьатриз тухудай гимини, жибинда пул авачирла лезги чилин зулун «къизиларни». Р. Исаев. Алирза Саидован яратмишунра хайи чилин къамат.
* сиягьат авун гл., ни ял ягъун патал, рикӀ аладарун патал къекъуьн; чирвал хкажун патал, маса уьлквейра, вилаятра, хайи чуьллера, чилера къекъуьн. Синоним: сиягьатун.