|| ТАГЬКИМУН гл., ни вуч; -да, -на; -из, -зава; а, -ин, -рай, -мир; тагьким авун ' || тагькимар авун, тагьким авун || . тагькимар авун, тагьким тавун || тагькимар тавун, тагьким тахвун || тагькимар тахвун, тагьким хъийимир || тагькимар хъийимир мажбури тир кар кьилиз акъудун теклифун. Ада зияратдиз ЛаматӀ ракъурна. КӀевелай ада ЛаматӀаз Шириналай вил алуд тавун тагькимна. А. И. Къиргьин. КӀамун а патаз физ ада маргъухъанар тагькимарзавай: «Тамаш, гадаяр, рушарин вилер квел алайди я гьа! Ажузвал къалуриз тахьурай. Абуруз анжах уьткембур хуш жеда...» Б. Гь. Заз эвера. Жув яваш-яваш хъша, руш акъваз тавуна хьфена. Къафланова адаз кӀевелай тагькимнай... М. В. Гьарасатдин майдандал. Гадади ам булахдал гъана, «хъухъ жуваз кӀани кьван», - лагьана, тагькимна. Н. М. Буба. Камалэгьлийри гьамиша чун тарих рикӀелай ракъур тавунин патахъай тагькимарзава. ЛГ, 2003, 14. VӀӀӀ.