араб, сущ.; -ди, -да; -ар, -ри, -ра туькӀуьрнавай затӀ (шиир, макъала, ктаб). Дагъдин хуьре камаллу са ашукь яшамиш жезвай... ада мехъерар гурлу ийидай, цӀийиз хьайи балайрал тӀварар эцигдай, кьейибуруз ясдин теснифар бахшдай. З. Гь. Лезгийрин риваят. Алимди чӀехи шаирдин уьмуьрдикай ва яратмишунрикай кьилдин ктаб кхьидай ният аваз, Сулейманан ацукьун-къарагъуникай, теснифатрикай, адан бязи эсерар яратмишунин гзаф къиметлу малуматар кӀватӀнай, адан эсеррикай «Красный Дагестан» ва «ЦӀийи дуьнья» газетриз са жерге макъалаяр акъуднай. Гь. Гашаров. Хайи халкьдин рекье чан эцигайди.
* тесниф авун гл., ни вуч арадиз гъун. Кьанал тухуз, тесниф ийиз дастанар, Инкъилабдин даяхар я инсанар. И. Гь. Инкъилабдин даяхар. Синонимар: теснифун, туькӀуьрун, яратмишун.