туьрк, сущ.; -ди, -да; -ар, -ри, -ра 1) 2 ва я гзаф сеферра са гаф, фикир, кар хълагьун. хъувун патал ийидай гьерекат. 2) лит са тайин метлеб аваз ийидай махсус тикрар.
* тикрар авун гл., ни вуч лагьай гаф, авур кар мад сеферда хълагьун, хъувун. РикӀе хвенвай кьван гафар къад-яхцӀур сефер тикрар авунвай - гьикьван гзаф эзбер авуртӀа, абурун эсер гъакъван тӀимил жезвай. А. А. Умуд. И экуьредин шиирар Сулейманахъ лезги чӀалални гзаф ава. Гьабра хьиз и азербайжан чӀалал туькӀуьрнавайбурани шаирди гагь виридаз чизвай, ашкара тир гьакъикъатар тикрар ийизва, гагь ахмакьриз, гъавурдик квачирбруз несигьатар гузва... М. М. Гь. СтӀал Сулеймана азербайжан чӀалал туькӀуьрай шиирар. За инал шаирди лагьай гафар тикрар авуна, абур рикӀел хуьн ва абур жуван вири уьмуьрдин юлдашар кьун къарардиз къачуна. Къ. М, Дуствилин цӀай.
* тикрар тежер прил. лап хъсан, инсан гьейранардай. КьепӀинихъ вичин макьам ава, ам гъич са алатдални тамамариз жедач. Ам тикрар тежер аваз я. 3. Гь. КьепӀинин аваз. Мад гьич санани ихьтин лезет жедач, ам анжах дагълара ава, адахъ вичин авазар ава. Тикрар тежер авазар. 3. Гь. Югъ ачух жедайла.
* тикрар хьун гл., вуч гзаф сеферра са гаф, фикир, кар арадиз хтун. И шиирда фекьийрикай лезги чӀалал туькӀуьрнавай шииррай бязи бендерин мана тикрар жезватӀани, ина фекьийрин суфат маса лишанралдини къалурнава. М. М. Гь. СтӀал Сулеймана азербайжан чӀалал туькӀуьрай шиирар. Къуй абур тикрар таххьурай... Б. Гь. Заз эвера. Адаз вич юзайла абур катдайди хьиз ва и тамаша тикрар техжедайди хьиз авай. Ам пакад юкъуз мад атана, Мад гьа са сегьне тикрар хъхьана. З. Гь. Ахварай авудай аваз. Насрулагьаз, нянин кьиляй гьинихь вил вегьейтӀани, мад тикрар техжедайбур хьтин шикилар акуни гьич кӀусни лезет гузвачир. А. Исм. Алукьдай ахвар. Анжах са кар за тӀалабда вавай, Межлисда ихьтин кутунин икьрар: Илигин маша а касдал, нивай За гайи чешне тахьайгтӀа тикрар! А. Къ. Шаирдин экв.