сущ.; -иле, -иле; -илер, -илери, -илера 1) тарцин тандилай экъечӀнавай яргъи пай. За чӀемерук расзава хел атӀана. А. С. Агьзур йисар я.... И хилелай а хел кьаз, и хилелай а хилел вич хкажиз, ам, къе вичи кӀватӀай хьархъар хьиз, къацузмай чуьхверривни агакьна. А. Исм. Алукьдай ахвар. 2) жуьт паяр авай парталдин, кӀвачин къапарин са пай. Руш тадиз, вич садазни чир тахьуй лагьана, кӀвализ хкведайла, кӀвач цӀуьдгъуьнна, адан чекмедин хел яд авай вириз аватда. Ф. Бибихатун. Перемдин хел гьяркьуь мийир, Ярдин дуллух атӀанава. Ф. Руш чухвадин хилел ксана. Къужани, чухвадин хел атӀана, кӀвализ хъфена. Ф. КӀватӀаш - Вуна итимриз са жеминай пияла це, ни гьаясузвал авуна, ви гъил къуртӀа, гъадан спелдин хел атӀутӀ. Ф. Халуни хтул. Хъипи читинин булушкадин гьяркьуь хел къакъажна, Зелфиди гъил це твазвай, булах галай патахъ са гьихьтин ятӀани къаралту малум хьана. А. А. Умуд. 3) илимдин, майишатдин тайин са пай, рехъ. Колхоз гъвечӀиди тир, майишатдин кьилин хелни малдарвал тир. А. А. Умуд.... багъманчивал гилирдалди артух туш. Еке гилир гузвай маса хилерни ава. А. А. Лезгияр. Гемотология -им илим лап вилик фенвай девирдани медицинада вичин вири сирерай гьелелиг кьил акъудиз тахьанвай хилерикай сад я. ЛГ, 2003,13. ХӀ. * терездин хел.
* хилер къакъажна нар., вуч авун лап рикӀивай, вири къуватар желбна. ЦӀийи начальник яркӀиви Ярмет хилер къакъажна кардив эгечӀна. З. Э. РСФСР-дин лайихлу духтур Сафаралиев.