сущ.; -ци, -це; -ер, -ери, -ера 1) парталдин (пальтодин, пенжекдин, перемдин ва мсб) агъа кьатӀар. Селиман пенжекдин ценер гъавада галтад хьана... А. А. Умуд. Чигалини кӀвачел акьалтна. Аквар гьалда, адаз цӀиб гваз хквез кӀанзавай. Амма пенжекдин цен къур юлдашдин гужлу гъили ам, бружин хьиз, акӀажарна. Б. Гь. Заз эвера. Синоним: чембер. 2) кьакьан чкадин чилихъ тир пад. Винел алай цӀару читдин куьгьне яргъандикай аквазвай рехи чуруди чуьнуьхнавай кьурай чин, кьекьемар ацукь хьана, агаж хьанвай зайиф, экуь-хъипи вилер кьибле пата дагъдин ценерив гвай тамун гапӀалриз ва гъвечӀи къурух векьериз килигзавай. А. Ф. Бубадин веси. Пуд йис идалай вилик зун са дустни галаз КцӀариз фена. Къара-булахдин къайи яд хъвайила, тамарикай бармак алай дагълар, цуькведив дигай багълар, къацу дереярни чуьллер акурла, зи дустуни хъуьрена хьиз лагьана: «Аллагьдин крар аку, Шагьдагъдин женнет хьтин ценер лезгийри, Къарабагъ эрменийри, къацу талаяр талишри кьунва, азербайжанвияр лагьайтӀа, кьумлух чуьллерин иесияр хьанва». М. М. Лацу лекеяр. Синоним: этег.