сущ.; - и, -е; -ер, -ери, -ера эрчӀи ва я чапла патан япув чин галай патахъай чӀарарин тил. ЦӀвелер, гъилер хинедавай сусаркай Садни зи кӀани ярдиз ухшар туш. Е. Э. Ухшар туш. Вакай гьикӀин икьван иер; Лацу хъуьхъвел бурма цӀвелер. Е. Э. КӀан я. Кьакьан шумал буй, спелар зурба, ЦӀвелел хирен гел, чӀулунал гапур. Черкесрин партал алукӀна буба Физва шивцеллаз, гуз душмандиз кӀур. А. С. Руш. Ада гададин цӀвелекай кӀвахьзавай гьекьедин стӀал цӀуьтхуьнзавай, рагъ алцифна яр чкӀанвай хъуькъвез сад вегьена. М. В. Гьарасатдин майдандал. ☼ ЦӀвел существительнидин кирсеба падежрин эхирар чи словарра гьар жуьреда гузва: 1) цӀвеле ( кил.: М. Г. ЛЧЮС), цӀвели (М. Г. Г., Р. И. Г., У. А. М. ЛЧЮС), цӀвелди (Б. Т., М. Г. ЛРС).
* цӀвел чухваз амукьун гл., вуж затӀни амачиз, вуч ийидатӀа тийижиз амукьун. Вири хьана элба-эл, Абасияр кьасухдай. Амукьна чун чухваз цӀвел, Руг акъатна алухдай. А. Фет. Кьве кепек.