прил. 1) алай вахтунинди тушир, амма тикрар хъжезвай. Чна гьеле хабар гайивал, цӀи Мегьарамдхуьруьн консервиярдай заводдин коллектив цӀийи сезондиз хъсандиз, гьазур хьанва. ЛГ, 2004, 12. VӀӀӀ. 2). ихтилат ийизвай вахтуналди тахьай хьтин. Югъ малум жезмазни уях хьайи Мегьамедрасулаз вич цӀийиз дуьньядал акьалтайди хьиз хьана. А. И. Самур. Яшайишда цӀийи крар, цӀийи гьалар туьретмиш жезва; цӀийи затӀар акъатзава. Н. А. Литературадин "хрестоматия.
* хер цӀийи хъувун.
* цӀийи кулуни михьиз шиткида мисал 'цӀийи къуллугъдал хьанвайда къанунрин истемишунар михьиз кьилиз акъудда' манадин мисал.
* цӀийи кьилелай [цикӀелай | нар. сифтедилай яз. Ирид юкъузни ирид йифиз далдам гатана, пачагь хьанвай гададикни гьуьлуьн рушан мехъерар цӀийи кьилелай хъувуна. Ф. Гьуьлуьн руш. Хуш-беш авуна, фу- затӀ тӀуьрдалай кьулухъ, тажирни галаз ибур вири чпин бубадин ватандиз хъфена. Гьана цӀийи цикӀелай пуд юкъузни, пуд йифиз далдам гатана, мехъерар хъувуна. Ф. Мурсалован чарчи цӀийи цикӀелай адак умуд кутуна. Ам шадарна. А. И. Самур. ВетӀре мад цӀийи кьилелай лув гун хъийиз башламишзавай. М. В. Гьарасатдин майдандал. Синоним: цӀийиз. ☼ ЦӀийи цикӀелай ибарадин кьвед лагьай гафуна и гьарф авачиз кхьинни теклифзава ( кил.: Лезги чӀалан орфографиядин къайдайрин свод. ТуькӀуьрайди У. А. Мейланова. -Махачкала, 1998, ч. 16).
* цӀийи свас шиир, сущ. сифте яз гъизвай свас. Чи свас атай яргъал рекьер Дагъдин кукӀвал табарак хьуй. Тахтунавай я наврузбег. Ваз цӀийи свас мубарак хьуй. Ф. Гададиз мехъер мубарак авун.
* цӀийи хъувун гл., ни вуч цӀийи гьалдиз хкун. Ингье ам пакамалай кардал машгъул я. Гьаятда авай гатуз малар хъиядай чкадин рак цӀийи хъийиз чалишмиш жезва. М. В. Гьарасатдин майдандал.