фарс, сущ.; -уни, -уна; -ар, -ари, -ара 1) инсанар, пар тухудай улакьдин чилелай фидай гьерекат арадиз гъизвай элкъвей затӀ. Къир куьтягь хьана, чилин рекьел атанмазни машиндин вилик чархарикай чӀулав руквадин бурмаяр хкатна. А. А. Пад хьайи рагъ. Исятда вун чархар кумачир арабадин гьа гьакӀан чарках я. Къ. М. Рекьин риваятар. Хуьруьн вири аялар адан гуьгъуьна гьатнавай. Чархарикай хкатзавай руквадизни килиг тийиз. Гъенел акъвазарайла, машиндин вилик кьилел папа гъана са купӀ эцигна, вили ягъ тавурай лагьана тир жеди. М. Б. "Жигули". Эрекь, дугъриданни, эрекь я. Сад куьтягь хьайила, Жабира фена чархунин камердикай авунвай бедре ацӀайбур гваз хтана. М. Б. ЦӀийи мискӀин. 2) инсанар кӀватӀ хьана арадиз атай элкъвей цӀиргъ. чеченри вирида санал чархуна аваз кьуьлерзавай, Чархунин юкьвани какахьна кьуьлерзавайбур авай. А. Къ. Фу гадарунин буйругъ. 3) гъуьр, чӀахар регъведай регъверин къванерикай сад. ... Регъуьн чархуниз сас ядайла, пис гъекьер акъатдай, ада вичиз яд гъиз гъвечӀи аялар ракъурдай... З. Гь. Залан кам.
* чарх(ар) ягъун гл., ни-куь 1 ) са чкадал элкъуьн, са чкадай элкъвей цӀиргъина авай хьиз фин. Пакамаз Къаюм, вичиз фу, къафун къачуз шегьердиз фена. Сифте ада Сабир Мустафаеван туьквендал чарх яна. З. Э. КУТВ-диз фена. Автомашиндал са шумудра чарх яна, ада машиндин келледал гъил алтадна. З. Э. Муькъвел гелер.... гьич тахьайтӀа хатадай кьванни са лацу булутни алачир цава лекьре чарх язавай... А. Къ. Нехирбанни лекь. 2) тайин къаст рикӀе аваз са чкадал къекъуьнар авун. - Цуькверни Алидар сад садал ашукь хьанва. Гадади рушалай чархар язава, - мили хъверна суса адаз хабар гана. А. И. Самур. Велимета Жамалдинан кӀвалерал чарх яна. Селминаз текдиз гьалтдай са чка жагъурзава. М. А. Гьарасатдин майдандал. ЧАРХ 3 сущ.; -уни, -уна; -ар, -ари, -ара майишатда ишлемишдай мурз алай затӀар хци ийидай, гъили ва я токдалди гьерекатдик кутадай элкъвей махсус алат. Чарх авачир хуьре харат устӀарни жедач. Р.
* чарх гун гл., ни квез ара 1) майишатда ишлемишдай мурз алай затӀар махсус алатдалди хци авун. Чарх гайи чукӀул аялдин гъиле твамир. Р. 2) куьч. гзаф рахазвай сив гатана секинарун.
* чарх чӀурукӀа |кьулухъ, маса патахъ\] элкъуьн (элкъуьрун ) гл., нин дуьз авай, къайдадик квай крар, гьалар чӀур хьун (чӀурун). Конторда адахъ галаз яргъи рахунар авуначир. ~ Ма къул чӀугу. Расчет вахчу, - лагьанай адаз. - ГьикӀ, вучиз? Зи тахсир вуча? Суалриз жаваб хьанач. Махсудан чарх мад кьулухъди элкъвена, адан гъил ченедик акатна. З. Э. Муькъвел гелер. Вун чи хуьруьз атаначиртӀа, чун бахтлудаказ санал яшамиш хьунни мумкин тир. Кьисметди лагьайтӀа, зи чарх маса патахъ элкьуьрна. Я. Я. Нурар ва хъенар.