прил. 1) вуч чурун тавунвай, хьун тавунвай. Багъларилай чиг емишрин атирар къвезмачир. М. В. Гьарасатдин майдандал. 2) куьч., вуж яшар тӀимил. Гьа и береда Мердалиди, белки, вичизни хабар авачиз, сифте сеферда яз гъиле къелемни чар кьазва, чиг игитди къалханни тур кьадайди хьиз. З. Къ. Мердали Жалилован 60 йис...
* чиг як сущ ицӀи як, чурун тавунавай як. Зун гьаятдал, тӀапӀахъанар алай чкадал хъфена. Гьабурни гила кефиниз акъатнавай. Зун атӀанвай чиг якӀун кӀусар къачуна Цавдаран патав къапак фена. А. Къ. Нехирбанни лекь.