гл., каузат., ни-куь вуж; -да, -на; -из, -зава; -а, -ин, -рай, мир; 1) гьакъикъатдин дуьзгуьнвиливай къакъудун. Пенжерда тунвай шуьшеди ам ягъалмишарзава. М. В. Гьарасатдин майдандал. Эрекьди филни ягъалмишарда. Мирим анихъ амукьрай. М. Б. «Жигули». - Я дуст, вуна сес Кучумаз ганайни? Ганай. Гила гьадавай къачу жуваз газдин... зажигалка. Де вуна яб це кван, я стха, зун ягъалмишармир. Н. Шихнабиев. Хъсан хабарар. 2) кьил акъудиз тежервал авун. Пенжерда тунвай шуьшеди ам ягъалмишарзава. ЭкъечӀиз кӀанз гьар сеферда лув гайила, ам зарбдиз хтана шуьшеда акьазва, ам виняй агъуз пенжердин чилел аватзава. М. В. Гьарасатдин майдандал. Зун Шагьдин са гъил хьиз, са кӀвач хьиз, бедендин са маса пай хьиз тир. Гьиниз адаз кӀан хьайитӀа, гъаниз сухзавай, гьинал кӀан хьайитӀа, гьанал алтадзавай. Гьа ида зун ягъалмишарна, чан гъвечӀи стха. Гзаф мукьва хьун хаталу тирди чир хьанач заз. А. Исм. Эхиримжи къув. Синоним: кьил кьилелай алудун.