сущ.; -ра, -ра; -ар, -ари, -ара хеси авунвай жунгав. Фекьи рекьиз экъечӀнамазди, адан гуьгъуьналлаз гачални, вичин яцар вилик кутуна, никӀел фена. Ф. Савдагардин папанни фекьидин кьиса. Вилик нагъвар эцигайла, Атанач ваз дад, Яру яц. Е. Э. Яру яц. Жафер ник маса гунал рази хьанач. Гъиле авай яцар гана садакьа гуз башламишна. А. Ф. Бубадин веси. Хуьруь гуда ваз яцран къуватар, Хуьр бахт я! А. С. Хцихъ галаз ихтилат.
* яц жедай жунгав я мисал 'кӀвалин-къан къадир авайди я' манадин ибара. Туьквенчи адаз муьштеривилелди килигиз хьана. ВучатӀани, яц жедай жунгав я, - фикир авуна ада вичи-вичикди ва лезги чӀалалди жузуна: - Я бала, вуна гьина кӀвалахзава? З. Э. КУТВ-диз фена.
* яц квахьайла, варариз тар ягъун гл., ни хата-бала атана алатайла, къайгъударвал авун. Чи инсанар къайгъусуз я. Абур, чан бала, яц квахь тавунамаз варариз тар ядайбур туш. А А. Умуд.