|| АЛБАН || АЛУПАН сущ.; -ди, -да 1) чи эрадалди къведалди VӀ асирдилай чи эрадин VӀӀ асирдалди Албания, Алпан, Алупан, Къафкъаздин Албания гьукуматдин тӀвар. Лезги Ватан, лекрин макан, пак Алупан чил, Шумуд мидя, шумуд душман атанай пехъи... Ф. Н. Алупандин суракьда. 2) Алпан, Албан, Алупан тайифайрикай садан векил. Гьитит яни, хазар ян, албан яни вун? Къафкъаздин иес яни, мугьман яни вун. Гь. Эсер. Лезги, вавай жузан за. 3) ( чӀехи гьарфуналди - А ) - эркекдин хас тӀвар: Алпан. Алпан, чир хьухь, азиятриз дурум гунуг чи ферз я. М. Алпан. Гьажиев Межидаз.