фарс, сущ.; -ди, -да; -ар, -ри, -ра садмасадав рахадайла, садан суалдиз муькуьда гудай меслят, лугьудай гаф(ар ). Я са жаваб авач вахъ, Кьуна хабар рахайла. Е. Э. Дуьньядиз. Гьикьван дугъри жаваб хьуй вун рахайди, Гьахьняй жувавайни сабур хуьз жедач. Е. Э. Бахтсузвал. Гагь адан чӀал жеда араб, Гагь туьркдалди гуда жаваб. С. С. Фекьи. «Чухсагъул, завай какадариз жедач». «Вуч какадариз жедач?» - хабар кьуна межлисдин иесиди сифте, ахпа гъавурда акьуна, спелдин хилевай гъил гвяна, жаваб ахгакъарна. Б. Гь. Заз эвера.... жавабдин чкадал Келбялиди тост лагьана. Б. Гь. Заз эвера. Антоним: суал.
* жаваб гун гл., ни низ 1) сада гайи суалдиз гьакъикъат тайинардай гафар лугьун. Ада жаваб гана: Зун флан уьлкведин пачагъ тир. Ф. Гьуьлуьн руш. Кесиб нагагъ фена вацӀал, улам кьванни жузаз хьайтӀа, Тайин жаваб гудай бенде жагъич, валлагь, Кесибвал кьий. Е. Э. Кесибвал кьий. Килигнамаз чинай яз вич иерди, Гаф лагьайла, жаваб гуз пис тегьерди. С. С. Пис папаз. Гагь адан чӀал жеда араб, Гагь туьркдалди гуда жаваб. С. С. Ша чна... - Керим председателдихъ элкъвена. - гьакӀ тушни? Ваъ, Демировар я, -жаваб гана гьеле кӀвачел аламай Чигалиди. Б. Гь. Заз эвера. За адавай «ГьикӀ я, бегенмиш хьанани?» лагьана хабар кьурла, ада заз «Вуч кефининди яни ам» лагьана жаваб гана. И. Тагьиров. Кефининди. - Вири кьве виляй килигзава, захъ авайди са вил я, - жаваб гуда Акима. С. М. ЦицӀигъ-наме. Антоним: суал гун. 2) са кардин, гьерекатдин пис нетижа эвезламишун. - Эгер квел кьван гьалчдай кас хьайитӀа, чна жаваб гуда. Б. Гь. Заз эвера. 3) гафуниз гаф хълагьун, жуван гафарал кӀеви хьун.