урус, сущ.; -ди, -да; -ар, -ри, -ра 1) кудай затӀуналди гьерекатдиз гъидай, рельсер авачир рекьяй фидай, инсанар ва парар тухудай улакь. И арада хабарни авачиз, таксидин лишанар алай, хинедай чуьхвенвай хьтин рангунин машин, чархари цӀугъ ийидайвал зарб кваз, адахъ элкъвена, лупӀна акъвазна. А. А. Пад хьайи рагъ. Машиндай эвичӀай Алипулат милайимвилелди агъсакъалрин патав атана. З. Э. Муькъвел гелер. Синонимар: автомобиль, автомашин. 2) жуьреба-жуьре кӀвалахар кьилиз акъуддай, чеб- чпиз гьерекатдиз къведай механизм ва я механизмаяр. ЦӀийи къуватралди гила машинрин Регьятвилив физва кӀвалахар четин. Х. Т. Гуьзелвал вуча. Идриса трактордин руль Аликав вугана. Алика, хвешиз- хвешиз машиндин руль вичин гъвечӀи гъилера кьуна, педалдал кӀвач илисна. А. Салимов. ЖедатӀа, * къуьл михьдай машин, кьил кьадай машин, пар чӀугвадай машин.
* машинринни тракторрин станция сущ. хуьруьн майишатда залан кӀвалахар кьилиз акъуддай техника хуьзвай чка.... Сулейман хайи ва чӀехи хьайи Кьасумахуьруьн район ва Куьре округ хьтин яргъа авай ва виликди гзаф кьулухъ галамай чкайрани цӀийи рекьер ва муькъвер расун, заводар ва цӀийи-цӀийи дараматар эцигун, школаяр ва кулътурадин маса идараяр ахъаюн, машинринни тракторрин станция тешкилун, никкра тракторар ва маса машинар тун хьтин зурба кӀвалахар физ хьана. М. М. Гь. ЧӀехи шаир.