фарс, сущ.; - ини, - ина; - ер, - ери, - ера металлдикай раснавай гъал хьтин затӀ. Къуй зи цӀарцӀи, симини хьиз ток авай, Гъурай элдиз берекат. А. С. Зи кӀвачикай. ТӀарам хьана цӀикьвед симни тарчидин гъилик, Тезенагдик - де дурум це! - акатнавай тӀвар. И. Гь. Рубаияр. - Уьзден а са геренди симерихъ тезенаг галукьарна, куькда туна. С. Ярагъви ашукь Уьзден. Пагьливанни ажуз жеда симинал, эгер адан гъиле пайгар тахьайтӀа. С Султанов. Ви хъуьруьнин сир вуч ятӀа? - Са тӀимил сим гвайтӀа, за туькӀуьрдай хьи аниз эвичӀдай гьалкъаяр, - хияллу хьанва ам. - Вуч сим? Алюминидин са кьатӀ гва, шалвардин гьерт кутӀуннавайди. М. Б. За бананар недач.... Атана зун вичин винелай мукъуфдивди Кьвед-пуд жерге цаз алай симер чӀугунвай къванцин парудал гужуналди хкаж хьана. Т. А. Мехъер куьтягь тахьанмаз. Жегьил уьзуьмлухар патал районда бес кьадар чубукар, шпалар, сим авач. ЛГ, 2004, 26. VӀӀ.
* сим чӀугун гл., ни сим яргъивилихъди акъажна, са чка маса чкадивай чара авун. Нетижада са халкь, адавай хабарни кьун тавуна, кьве чкадал пайна, юкьвай цацар алай симер чӀугунва... Гь. Къ. Шарвилияр хьурай бул.
* симин тар сущ. кьакьандай физвай токдин, телефондин симер галкӀурнавай дестек.
* симинин пагьливан сущ. кьакьанда тӀарамдиз янавай симинал гьар жуьредин къугъунар ийидай пагьливан. Алай йисан июлдин вацран 9-10 лагьай йикъара Цовкра хуьре симинин пагьливанрин Ӏ конкурс кьиле фена. ЛГ, 2004, 26. VӀӀ.