прил. 1) сад-садав агатнавай. - Минет хьуй ахъая! -. гадайри ван къачуна, абур СтӀалви гададин мукьварал мадни сих гьалкъада кӀватӀ хьана. Къ. М. Рекьин риваятар. Гьа алай чкадилай гардан яргъи авуна, ада валан сих хилерин арадай сарарив кьуна акъудна, ЯбатӀаян вилик кӀараб эцигзава. А. Исм. Эхиримжи къув. Синоним: къалин. Антоним: кьери 2) садвал арадиз гъизвай. Мад сеферда рикӀел хкин: Кавказдин Албаниядин девирда эрменийринни лезгийрин алакъаяр сихбур ва мягькембур хьана. М. Алипулатов. Лезги чӀалан машгъулардай грамматикадай материалар. Заз уьмуьрдин лайихлувилеринни тӀебиатдин гуьрчег суьретрин арада са гьихьтин ятӀани чара тежер сих мукьвавал авайди хьиз тир. Т. А. Мехъер куьтягь тахьанмаз.
* сих алакъа сущ. чара тежер мукьвавал. Чи журналрихъ галаз - им шад жедай кар я - тӀвар-ван авай алимри, муаллимри, жуьреба-жуьре пешекарри сих алакъаяр хуьзва. "Самур" журн., 2003, No 23. "Зун" - руьгьдин эвер хьана" лугьудай кьиле Т. Агьмедханова Алирза Саидован кьисмет Ватандин кьисметдихъ галаз акьван сих алакъада тунва хьи, кӀелзавайдан вилик, дугъриданни, авторди лугьузвайвал, "кечирмишай куьруь уьмуьрда са чӀавузни лавгъавал" тавур шаирдин къамат акъваззава. ЛГ, 2004, 15. VӀӀ.