сущ.; -ди, -да; -ер, -ери. -ера шадвилин ва я ягьанатдин гьисс акатайла, чини, пӀузарри ва вилери кьабулдай кӀалуб ва я сивяй акъатдай шадвилин сес(ер).... ам (Омар Хайям. - А. Г.) кӀелзавай гьар садаз, зурба шаирдин, лирикдин, гуманистдин ва философдин чӀаларай хсуси хъверни шел жагъизва. "Самур" журн., 2005, No1, 67ч. Хъвер ви рикӀин илчи я, хва, гьар рикӀинихъ ракъурмир ам. А. С. Хцихъ галаз ихтилат. КӀуфук мили хъвер кваз, кьилни хкаж тавуна тадиз жаваб гана. З. Э. Муькъвел гелер. Амма са гьихьтин ятӀани къастлувилин гьиссерив ацӀанвай адан и эйбежер суфатди кичӀ ваъ, ламралай эвичӀай Савзиханаз вучиз ятӀани хъвер гъизвай. М. В. Гьарасатдин майдандал.
* хъвер авун гл. 1) ни шадвилин гьиссерин сес(ер) акъудун. - АтӀа хуьревай зи хванахани килигнай, - ягьанатдин хъвер авуна, вичин макъар хьтин чӀехи сарар къалурна ЦӀаруди. Б. Гь Заз эвера. - Аквазва ман, журналист хьиз, блокнотни ручка гваз дезгедихъ гала, - мили хъвер авуна ада, Т. А. Мехъер куьтягь тахьанмаз. 2) ни нел-квел жув вине кьуна са вуж-вуч ятӀани агъуз тирдай кьун. За инсандал ийидач хъвер, рикӀиз гьайиф тахьун патал. СА. За инсандал ийидач хъвер... Синоним: хъверун.
* хъвер акатун гл. ник шадвилин гьиссерин сес(ер) акъатун, Жемятдик хъвер акатна, хтулдини чувалдин сив ахъайна. Ф. Халуни хтул. Гьикьван Абас ажугъламиш жезватӀа, гьакьван адак гужлуз хъверни акатзава. М. В. Гьарасатдин майдандал.