прил. 1) къелем тагана, вич-вичиз экъечӀнавай. Селим кӀелиз хъфена. Султанмурадни сифте сефер яз чӀуру ичин, чуьхверин, хутун къелемрихъ къекъвез дагълариз фена. А. А. Умуд.. ЧӀуру чуьхверин кӀарасдикай ийизвай тӀурни гъиле аваз Мискьи Мегьамедни атана. З. Э. Муькъвел гелер. 2) куьч. дуьз тушир, гьахъсуз. Акъваз тавун вун зи къвалав Ажеб чӀуру кар я гуьзел. Е. Э. Суна, за ваз лугьун са чӀал. Лезги чилерив чӀуру ниятривди эгечӀнавайбуру чпин крар къени давам хьийизва. М. М. За нин бахт чуьнуьхна"? ЧӀуру кар авурла, ада чун хъуьтуьл зарафатдалди гъавурда твадай. Ж. Гь. Руьгьдин, рикӀерин къелечи. 3) куьч. масадаз зиян гудай. Рушаз и луьтквечидин чӀуру хиялар, чир хьана, им тамуз катна. Ф. Гьуьлуьн руш. Тухузвай таблигъат чӀуруди тир. С. Ярагъви ашукь Уьзден. 4) куьч. кфин тавур. Алимердена къе вичин чӀуру цӀегь тукӀвазва. ЛГ, 1992, 31.ӀӀӀ.
* чӀуру чӀиж нугъ., сущ. хуз. Синоним: цвягъ.
* чӀуру иви сущ. бедендиз зиян тир иви. Са фаркь ава: Зилиди Хъвада анжах чӀуру иви... А. Ал. Хъен галачир рикӀ.
* чӀуру ич(ер) сущ. тамара экъечӀдай тара(ра)л жедай ич(ер).
* чӀуру машмаш сущ. куьлуь ва цурувал квай машмашрин сорт.
* чӀуру рекье гьатун гл., вуж адетрив кьан тийидай амалар авун.
* чӀуру рекье тун гл., вуж адетрив кьан тийидай амалар ийиз тун.
* чӀуру рекье хьун гл., вуж адетрив кьан тийидай амалар ийиз хьун.
* чӀуру хъчар сущ. инсанри, гьайванри нен тийидай хъчар.
* чӀуру хьун гл., вуж-вуч 1) къайдадикай хкатун. Бендедин рикӀ хьайитӀа. дуьз. Гьич са кар чӀуру жедайд туш. С. С. Бендедин рикӀ хьайитӀа дуьз. 2) бугъаз тахьун. Кал чӀуру хьайила, суфрани чӀуру жеда.