гл., ни-куь вуж; - да, -на; -из, -зава; -а, -ин, -рай, -мир; шадар авун, шадар тавун, шадар тахвун, шадар хъийимир хвеши тир гьалдиз гъун. Шадардач вун гьич туькӀвей хизанди, Эгер жемятдин такуртӀа дерди. Х. Х. Бубадин рекьер. Эхиримжи йисара «Самур» журналди ва «Лезги газетди», зи фикирдалди, кӀелзавайбур са кьадар шадарнава, абурал, чеб кьит ятӀани, вижевай, яни кӀелайла рикӀел аламукьдай, эсерар агакьарнава. А. Фет. «Нехирбанни лекь» повестдин гьакъикъат. Синоним: къумбар авун, кӀубанарун. Антонимар: пашманарун, сугьуларун, туькьуьларун.