сущ., гзафв. къ.; -и, -а адет яз, аялрик киткидай нефес къачуз четин жедай азар. И кар Габричевскийдин тӀварунихъ галай НИИ-да авай ярарин азардал гуьзчивалдай милли центрада кьиле тухвай ахтармишунини тестикьарна. ЛГ, 2004, 26. VӀӀ. Республикадин шегьерринни районрин администрацийрин кьилериз ярариз акси дарманар къачун патал алава такьатар чара авун, азарриз акси рапар ягъунин кӀвалах тешкилун патал серенжемар къабулун меслятнава. ЛГ, 2004, 26. VӀӀ.
* ярар атун 1 гл., низ аялриз нефес къачуз четин жедай, садакай садак акатдай азардик тӀа хьун. Шибил Шабан! рикӀел хкваш, вун азарлу хьана меселай къарагъзамачир. Ярар атанвай. Р. Гь. Зи ирид стха.
* ярар атун 2 сущ. аялрихъ нефес къачуз четин жедай азар галукьун. 6-июлдиз РД-дин Гьукуматдин Председателдин сад лагьай заместитель Н. Къазиеван регьбервилик кваз "Дагъустан Республикада ярар атунин жигьетдай авай гьаларин ва ярар атунин дережа агъузарунин гьакъиндай'' месэладай РД-дин Гьукуматдин санитариядинни эпидемийриз акси комиссиядин заседание хьана. ЛГ, 2004, 26. VӀӀ. Уьлкведа ярар атунин вири дуьшуьшрин саки пудай са пай чи республикадал гьалтзава. 2004 - йисан кьуд вацран вахтунда ярар атунин дуьшуьш хьана. И азар акатайбурукай 168 кас чпин яшар 14 йисалай агъуз тир аялар я. ЛГ, 2004, 26. VӀӀ.