Поиск по словарям.

Modernizm (it. modernismo — "müasir cərəyan"; lat. modernus — "müasir") — XIX yüzilliyin sonu — XX yüzilliyin birinci yarısında incəsənətdə, ədəbiyyatda və fəlsəfədə keçmiş tarixi ənənələrdən ayrılma ilə müşayiət edilən cərəyandır. == Məzmunu və yaranma səbəbləri == Modernizm XX yüzillikdə texnogen sivilizasiyasının təsiri ilə inkişaf edən yeni düşüncəni, xasiyyətləri, praktikaları çevrələyən geniş anlamlı anlayışdır. Insanların ətrafında olanlara öyrəncəli baxışlardan aralanma və onları yeni anlamda ortalığa çıxarmaqdır, hər şeyə özəl metaforik baxışdır. Onu realizmə qarşı bir üsyan kimi dəyərləndirmək olar. İncəsənətdə modernizm kubizm, sürrealizm, abstraksionizm, avanqardizm, impressionizm, modern və başqa axınları içəriləyir. Insan artıq təbiətin verdiyini yansımaqdan yayınaraq, çeşidli şeylərə öz baxışlarını ortalığa qoymuşdur.Avropa fəlsəfəsində modernizm dəyişilmə ilə yenilənməyə yönəlmiş bir axındır. İdeoloji baxımdan modernizm, dinə ya milli adətlərə bağlanaraq yeniliyi qəbul etməkdən imtina edən toplumlara qarşı çıxış edir. Buna görə də modernizmdə fərdçilik (individualizm) adətlərə üstün gəlir.

Remodernizm — modernizmin aspektlərini, xüsusən ilkin formada canlandırır və ziddiyyət təşkil etdiyi postmodernizmi izləyir. Remodernizm tərəfdarları bunu mürtəce deyil, irəliyə doğru və radikal bir təkan kimi müdafiə edirlər. Çarlz Tomson və Billy Childish, stakizm sənət hərəkatının qurucuları remodernizm dövrünün açılışını etdilər. Onun müddəaları ondan ibarətdir ki, modernist baxışın potensialı yerinə yetirilməmişdir, onun inkişafı yanlış istiqamətdə olmuşdur və bu baxışın geri qaytarılması, yenidən müəyyən edilməsi və yenidən işlənib hazırlanması lazımdır. O, həqiqət, bilik və məna axtarışını müdafiə edir və formalizmə meydan oxuyur.