Parametr
Parametr — (q.yun. παραμετρέω «ölçürəm») — bir çox eyni tip elementlərin oxşarlığını müqayisə etmək üçün qəbul edilən ölçüdür.
Paramore
Paramore — 2004-cü ildə Tennessi ştatının Frenklin şəhərində qurulmuş amerikan rok qrupu. Qrupun hazırda üç üzvü var: Heyli Vilyams, Teylor York və Zak Farro.
Qrupun debüt albomu “All We Know Is Falling” 2005-ci ildə buraxılıb. Bu albom Billboard musiqi cərgəsində 30-cu yeri çatıb. Onların ikinci albomu olan “Riot!” 2007-ci ildə təqdim edilib. Albomun məşhur sinqlları “Misery Business”, “Crushcrushcrush” və “That's What You Get” olmuşdur. Albom ABŞ-də RIAA tərəfindən platin sertifikat alıb. Qrup 2008-ci ildə Qremmi mükafatlarında “Ən yaxşı yeni sənətçi” nominantları siyahısına daxil olub. Paramore qrupunun 2008-ci ildə yayımladığı üçüncü studiya albomu “Brand New Eyes” Billboard 200 cərgəsinin 2-ci pilləsinə yüksəlmişdir. Albomda yer alan “The Only Exception” sinqlı bir çox ölkədə hitə çevrilmişdir.
Paramount
Paramount Pictures — film istehsal edən şirkət. Əsası 1912-ci ildə ABŞ-də Adolf Tsukor tərəfindən qoyulmuşdur. İlk adı "Famous Players Film Company" olub.
Paramos
Paramos — And dağlarında, Ekvador və Kolumbiya ərazisində, Kosta-Rika dağlarında, habelə Afrikada Kilimancaro dağında 3 000-4 500 metr hündürlükdə yerləşən dağ-tundra ekosistemi. Paramosda bütün aylarda orta temperatur +4,+8°-dir, hava seyrəkdir, hər gün günortadan sonra yağış yağır və bərk küləklər olur, insolyasiya isə güclüdür. Bu şəraitə uyğun bitki örtüyü vardır. Paramosdan otlaq kimi istifadə edilir. Davamlı meşə xəttinin üstündə, daimi qar xəttinin isə altında yerləşən ərazilər üçün səciyyəvi ekosistemdir.
