Təkyemişan
Təkyemişan — Azərbaycan Respublikasının Gədəbəy rayonunun inzibati ərazi vahidində kənd.
== Tarixi ==
Kənd XVIII əsrin əvvəllərundə salınıb. Yerli əhalinin məlumatına görə, Təkyemişan kəndini Düz Rəsullu kəndinin bünövrəsini qoymuş Böyük Rəsul adlı şəxsin oğlu Məşədi Nəbi salmışdır. 1921-1922-ci illərdə həmin rayondakı Emir kəndindən də buraya ailələr köç etdikdən sonra kəndə el arasında Emirri də deyilmişdir.
Kəndə 1993-cü ildə Düz Rəsullu inzibati ərazi vahidiyinin tərkibində Təkyemişan kəndi statusu verilmişdir.
== Toponimikası ==
Təkyemişan oykonimi Gədəbəy rayonunun Düz Rəsullu inzibati ərazi vahidində kənd. Dağətəyi ərazidədir. Yaşayış məntəqəsi tək yemişan ağacının yaxınlığında salındığına görə belə adlanmışdır. Bu ağac kəndin yaxınlığında hələ də durur.
== Əhalisi ==
2009-cu ilin siyahıyaalınmasına əsasən kənddə 189 nəfər əhali yaşayır.