ELEKTROMEXANİK

Elektromexanika – mexaniki sistemlərin elektron sistemlərlə idarə olunmasına əsaslanan sistemlərin cəmidir. Mexatronik sistemlər elektromexaniki sistem deyildir. Çünki elektromexaniki sistemlərdə heç bir proqram yoxdur, lakin proqram təminatı mexatronik sistemlər üçün əvəzedilməzdir. Məsələn, PLC tətbiqləri mexatronik sistem nümunəsidir. Liftlər elektromexaniki quruluşlara nümunədir. Liftlər həm elektrikli, həm də mexaniki tətbiqlərə malik bir sistemdir. Eskalatorlar, digər qaldırıcı və daşıma qurğuları və hətta printerlər elektromexaniki sistemlərə daxil olur. Ayrıca silah sistemlərinin əksəriyyəti elektromekanikdir.

Tərtər Elektromexanika Zavodu — Azərbaycan Respublikası Müdafiə Sənayesi Nazirliyinin tabeliyindəki müəssisə. Tərtər Elektromexanika Zavodu (TEMZ) Azərbaycan SSR Nazirlər Sovetinin 246 nömrəli 03 avqust 1976-cı il tarixli Sərəncamına əsasən "Azərsutikinti" Baş idarəsinin Tərtər rayonu ərazisində yerləşən obyektlərinin bazasında yaradılmışdır. 1977-ci ildən zavod SSRİ Radio Sənayesi Nazirliyinin tərkibində olan və Moskva şəhərində yerləşən Lionozovo Elektromexanika zavodunun Tərtər (Mirbəşir) filialı olmuşdur. Zavod ilk fəaliyyətini 1977-ci ildə mühərrikli qayıqlar üçün "Taxometr-spidometr" məhsulunun istehsalı ilə başlamışdır. 1993-cü ildən zavod DXMKK-nin tərkibində olmuş, 2006-cı ildən isə Müdafiə Sənayesi Nazirliyinin tabeliyində fəaliyyət göstərir.