PİKSEL

is. \[ing. pixsel "şəklin elementi"\] infor. Ekranda təsvir edilən minimal element. Piksel ikiölçülü (uzunluq, en və ya hündürlük) təsvirin minimal ünvanlı elementi. Bu elementlər bir-birindən rənginə və parlaqlığına görə kəskin fərqlənir. Piksel ən çox qrafik adapterin və ya monitorun ayırdetmə fəaliyyətini ifadə etmək üçün işlədilir. Konkret ölçü vahidi olan piksel mm və ya sm-lərlə ölçülmür. Məs., eyni piksel şəkil bir kompüter monitorunda bir ölçüdə (200 mm), başqa bir monitorda isə fərqli bir ölçüdə (tutaq ki, 160 mm) görünə bilər.