Suçik
Arxaikləşmiş içki adıdır. XI əsrdə bu söz 2 mənada işlənmişdir: 1. Şirin olan bir şey; 2. şərab. Bu söz bir-birinə zidd iki məna bildirir. Ila vadisində yaşayan yağma, toxsı, çigil boyları şəraba “qırmızı şərab” demək olan “kızıl suçik” adı verirlər (8, 406)
Şamı
Bu xörək növündən Naxçıvanda daha çox istifadə olunur. Kartof qaynadılıb əzilir, ədvalar vurulur. Sonra yumurta əlavə edilib qarışdırılır. Əldə istədiyin formaya salınıb yağda qızardılır. Kartofun əvəzinə bəzən bişməmiş badımcandan da istifadə olunur. Badımcan soyulur, ət maşınından keçirilib sıxılır, göyərti əlavə edilir, yumurta ilə qarışdırıldıqdan sonra yağda qızardılır.