Touch

Ubuntu Touch – (Ubuntu Phone olaraq da tanınır) Canonical Ltd.. və Ubuntu cəmiyyəti tərəfindən inkişaf etdirilən mobil əməliyyat sistemidir. Əməliyyat sistemi Ubuntunun mobil versiyasıdır. Əməliyyat sistemi sensor ekranlı telefon və planşetlər üçün nəzərdə tutulub.

Touch Me (I Want Your Body) – Samanta Foks tərəfindən 1986-ci ildə ifa edilmiş mahnıdır. "Touch Me (I Want Your Body)" mahnısı London şəhərində "Battery Studios" studiyasında yazılmışdır. Mahnının leyblı "Jive Records" səsyazma kompaniyasına məxsusdur. Bir sıra nəqarətlərdə ehtiraslı sözlər nəzərə çarpılır. Mahnı bir çox ölkələrin, o cümlədən, Kanada, İsveç, İsveçrə, Norveç, CAR, Finlandiya və Avstraliya ölkələrinin hit-paradlarında ilk pillədə uzun müddət qalmış, Avstriya ölkəsində 2-ci pillədə, Böyük Britaniya, İrlandiya və İtaliya ölkələrində 3-cü pillədə, ABŞ, Almaniya, Fransa ölkələrində 4-cü pillədə, digər ölkələrin hit-paradlarında isə mühüm pillələrdə səslənmişdir. 2004-cü ilin Avqust ayında mahnının kaver versiyası hazırlanmış və bu versiyanı İsveç ifaçısı Qünther ilə Samanta Foks duet şəklində oxumuşlar. Kaver versiya İsveç ölkəsinin hit-paradında ilk mövqe tutmuşdur. 1987-ci ildə Böyük Britaniyanın "The KLF" qrupu tərəfindən səsləndirilən «All You Need Is Love» mahnısında bu mahnının bir sıra elementləri səsləndirilir. 2004-cü ildə İsveç ifaçısı Günther yeni vokal qrupu ilə mahnının kaver versiyasını səsləndirir. Mahnı klipində Samanta Foks iştirak edir.

"TouchArcade" — ABŞ videooyun veb saytı. "TouchArcade" 2008-ci ildə "Apple" ilə bağlı "MacRumors" məhsul saytının müəllifi Arnold Kim tərəfindən təsis edilmişdir. Saytın məzmununun əsas mövzusu mobil cihazlar və portativ oyun sistemləri üçün videooyunlardır. Saytın nəzərdən keçirdiyi əsas platforma "iOS"dir. Bununla belə, "TouchArcade" saytı "Android" və "Nintendo Switch" kimi digər platformalar üçün videooyun resenziyaları və xəbərləri dərc edir. Bundan əlavə, sayt podkast hazırlayır. "CNET" saytı "TouchArcade"i altıncı ən yaxşı videooyun bloqu adlandırmış, "Time" jurnalı isə özünün tərtib etdiyi internetdəki ən yaxşı əlli sayt siyahısına əlavə etmişdir. 2015-ci ildə sayt kraudfundinq platforması vasitəsilə vəsait toplama platformasını işə salmışdır. Saytın müəllifləriə görə, buna səbəb videooyun istehsalçılarının videooyun saytlarından daha az reklam sifariş etməsi və daha çox proqramdaxili reklamlara güvənməsi olmuşdur. "The Guardian" qeyd etmişdir ki, "TouchArcade" kraudfandinqə müraciət edən ilk müstəqil jurnalistika saytı deyil.