Kərbəlayi Vəli Mikayılov
| Kərbəlayi Vəli Mikayılov | |
|---|---|
 | |
| Şəxsi məlumatlar | |
| Doğum tarixi | 1877 |
| Doğum yeri | |
| Vəfat tarixi | 1941 |
| Vəfat yeri |
|
| Partiya | |
| Fəaliyyəti | siyasətçi, şair, jurnalist, tərcüməçi |
Kərbəlayi Vəli Əyyub oğlu Mikayılov (1877, Bakı, Bakı qəzası, Bakı quberniyası, Rusiya imperiyası – 1941, Zəncan, Cənubi Azərbaycan, Pəhləvilər İranı[d]) — Azərbaycan ictimai-siyasi xadimi, şair, jurnalist və tərcüməçi. "Müsavat" partiyasının ilk üzvlərindən biri. AXC dövründə Hökumət mətbəəsinin rəhbəri (1918–1920).[1]
Haqqında
1877-ci ildə Bakıda doğulub. "Müsavat" partiyasının ilk üzvlərindən biri olmuşdur. Zaqafqaziya Seyminin və Azərbaycan Milli Şurasının üzvü, 1918–1920-ci illərdə Hökumət mətbəəsinin müdiri olmuşdur. Azərbaycanda "Türk ocaqları"nın açılmasında fəal iştirak edib.[2]
Sovet hakimiyyəti zamanı Bakıda 42-ci məktəbdə müəllim, Maarif Komissarlığının nəşriyyat şöbəsində ticarət agenti işləyib.
Gizli Müsavat təşkilatıyla əlaqəsinə görə 1923-cü ildə həbs edilib, 25 aprel 1924-cü ildə 3 illiyə Yaroslavla sürgün edilib.[3] 1928-ci ildə yenidən tutulub və buraxılıb.[4] Güney Azərbaycana mühacirət edib və müharibə zamanı sovet qoşunları buraya girərəkən kommunistlər onu Zəncanda öldürüblər.[5][6][7][8]
Ədəbi fəaliyyəti
Hacı Zeynalabdin Marağayinin "İbrahim bəyin səyahətnaməsi"ni ilk dəfə Kərbəlayi Vəli Mikayılovun tərcüməsində 1911-ci ildə nəşr olunmuşdur.[9] Şair Əliabbas Müznib ilə birlikdə "Molla Nəsrəddin" (1909) və "Bəhlul Danəndə" (1910) lətifələrini nəşr etdirmişdir.[10]
İstinadlar
- ↑ Sarıyeva, İradə. "İstiqlal poeziyamızın Daisi..." baki-xeber.com. 2015-08-08. 2019-03-12 tarixində orijinalından arxivləşdirilib. İstifadə tarixi: 2018-03-27.
- ↑ Türk ocağı // Azərbaycan Xalq Cümhuriyyəti Ensiklopediyası. II cild. Bakı: "Lider". 2005. səh. 415. ISBN 9952-417-44-4.
- ↑ (AR MTN arxivi, PR-19894)
- ↑ (AR MTN arxivi, PR-41457, 4-cü cild)
- ↑ Tahirzadə, Ədalət; Manaflı, Həbibulla. Unutdurulmuş azman — Əliabbas Qədimov. Bakı: Apostroff. 2012.
- ↑ Aşırlı, Akif. "İstiqlalın gizlin qəhrəmanı". sherg.az. 2023-06-21. İstifadə tarixi: 2024-05-03.
- ↑ Aşırlı, Akif. "İstiqlalın gizlin qəhrəmanı II". sherg.az. 2023-06-22. İstifadə tarixi: 2024-05-03.
- ↑ Aşırlı, Akif. "İstiqlalın gizlin qəhrəmanı III". sherg.az. 2023-07-04. İstifadə tarixi: 2024-05-03.
- ↑ Marağayi Zeynalabdin Əli oğlu // Cəlil Məmmədquluzadə ensiklopediyası. Bakı: Şərq-Qərb. 2008. ISBN 978-9952-448-26-9. 2023-07-29 tarixində arxivləşdirilib. İstifadə tarixi: 2023-07-29.
- ↑ Müznib, Əliabbas // Azərbaycan Xalq Cümhuriyyəti Ensiklopediyası. II cild. Bakı: "Lider". 2005. səh. 243–244. ISBN 9952-417-44-4.