Kociro Serizava
| Kociro Serizava | |
|---|---|
| yap. 芹沢 光治良 | |
 | |
| Doğum tarixi | 4 may 1897 |
| Vəfat tarixi | 23 mart 1993 (95 yaşında) |
| Vəfat yeri | |
| Təhsili | |
| Fəaliyyəti | bürokrat, iqtisadçı, roman yazıçısı |
| Fəaliyyət illəri | 1930-cu ildən |
| Janr | roman |
| Mükafatları |
 |
Kociro Serizava (芹沢光治良, Serizava Kociro?, 4 may 1897 – 23 mart 1993, Nakano) – Yaponiya romançısı.
Həyatı
Kociro Serizava 1897-ci ildə Yaponiyanın Şizuoka prefekturasında doğulmuşdur.[1] Tokio Universitetini bitirdikdən sonra Kənd Təsərrüfatı və Ticarət Nazirliyində işləmişdir.[1] 1925-ci ildə nazirlikdəki işindən çıxmış və təhsil almaq məqsədilə Fransaya səyahət etmişdir.[1] 1929-cu ilə qədər Paris Universitetində iqtisadiyyat üzrə təhsil almışdır.[1]
Serizava vərəm xəstəliyindən müalicə almaq məqsədilə İsveçrədə yerləşən bir sanatoriuma yollanmış və yaşadığı təcrübələr əsasında "Burucoa" (1930) adlı hekayə yazmışdır.[1] Bu onun ədəbi yaradılığının başlanğıcı olmuşdur.[1] 1931-ci ildə "Asu o ote" romanını, 1932-ci ildə isə "İsu o saqasu" romanını yazmışdır.[1] Bu romanlar Yaponiyadakı proletar ədəbi hərəkatına mənsub intellektuallar arasında baş verən münaqişələri təsvir edir.[1]
Serizava 1931-ci ildə Çuo Universitetində iqtisadiyyat dərsləri deməyə başlamışdır.[1] Lakin universitet rəhbərliyi onun ədəbi fəaliyyətini "ziyanverici" kimi qiymətləndirmişdir.[1] Buna görə də o, ədəbi yaradıcılığına davam etmək üçün 1932-ci ildə universitetdən çıxmışdır.[1] İkinci dünya müharibəsindən sonra Yaponiyanın müharibə təcrübəsi və döyüşlərdə ölmüş gənc kişilər haqqında yazmışdır.[1] "Pari ni şisu" (1942) və "Pari fucin" (1955) əsərləri də daxil olmaqla, bir çox əsəri fransız dilinə tərcümə olunmuşdur.[1] 1965–1974-cü illərdə Yaponiya PEN Klubunun sədri olmuş, 1957-ci ildə Fransa Akademiyasının mükafatına layiq görülmüşdür.[1] Digər əsərlərinə "Hitotsu no sekay" (1952–1953) və "Ninqen no ummey" (1962–1968) daxildir.[1]
Üslubu
Serizavanın əsərləri dərin dini baxışlarla əhatə olunmuşdur.[1] Onun romanlarının quruluşu Avropa romanlarının məntiqi quruluşuna daha yaxındır.[1]
İstinadlar
Ədəbiyyat
- Kodansha Encyclopedia of Japan (ingiliscə). VII cild (Sake–Temm). Tokio: Kodansha. 1983. səh. 69. ISBN 0-87011-627-4. İstifadə tarixi: 17 yanvar 2023.
- 4 mayda doğulanlar
- 1897-ci ildə doğulanlar
- 23 martda vəfat edənlər
- 1993-cü ildə vəfat edənlər
- 95 yaşında vəfat edənlər
- Uzunömürlülər
- Tokioda vəfat edənlər
- Tokio Universitetinin məzunları
- Paris Universitetinin məzunları
- "İncəsənət və ədəbiyyat" ordeni kavalerləri
- Əlifba sırasına görə yazıçı və şairlər
- Yaponiya romançıları