İbrahim İsmayılov

İbrahim İsa oğlu İsmayılov (1921, Naxçıvan, Naxçıvan Sovet Sosialist Respublikası – 12 fevral 2014^[1]) — 1980–1986-cı illərdə Azərbaycan SSR Ali Məhkəməsinin üzvü.

İbrahim İsmayılov
Azərbaycan SSR Ali Məhkəməsinin sədri
24 fevral 1980 – 1986
Əvvəlki	Abdulla İbrahimov
Sonrakı	Hüseyn Talıbov
Bakı Şəhər Məhkəməsinin sədri
1978 – 1980
Azərbaycan SSR Ali Məhkəməsinin üzvü
1962 – 1978
Azərbaycan SSR prokurorunun müavini
Gəncə Vilayət prokuroru
Naxçıvan MSSR prokurorunun müavini
1943 – 1948
Şəxsi məlumatlar
Doğum tarixi	1921
Doğum yeri	Naxçıvan, Naxçıvan Sovet Sosialist Respublikası, SSRİ
Vəfat tarixi	12 fevral 2014(2014-02-12)[1]
Partiya	Ümumittifaq Kommunist (bolşeviklər) Partiyası (1946–)
Fəaliyyəti	prokuror
Elmi fəaliyyəti
Elmi dərəcəsi	hüquq doktoru[d]
Təltifləri

1921-ci ildə Naxçıvan şəhərində anadan olub. 1942-ci ildə qiyabi Ümumittifaq Ali Hüquq İnstituna daxil olmuş və 1948-ci ildə oranı bitirib.

İbrahim İsmayılov 1939–1941-ci illərdə Naxçıvan MSSR prokurorluğunda işlər idarəsinin katibi, 1943–1948-ci illərdə Naxçıvan MSSR prokurorluğunda prokuror köməkçisi və Muxtar Respublika prokurorunun müavini olub. 1948–1962-ci illərdə Azərbaycan SSR prokurorluğunun sistemində İstintaq şöbəsinin rəisi, Gəncə vilayət prokuroru, Respublika prokuroru, Respublika prokurorunun köməkçisi, Azərbaycan SSR prokurorunun müavini və Bakı şəhəri Nərimanov rayon prokuroru vəzifələrində işləyib.

1962–1980-ci illərdə Azərbaycan SSR Ali Məhkəməsinin üzvü, Respublika Ədliyyə Nazirliyi məhkəmə orqanları idarəsinin rəisi, Bakı Şəhər Məhkəməsinin sədri vəzifələrində çalışıb. 1980-ci ildən 1986-cı ilədək Azərbaycan SSR Ali Məhkəməsinin sədri vəzifəsində işləyib. 1987–1989-cu illərdə Dövlət Aqrar-Sənaye birliyində hüquq idarəsinin rəisi olub.

1989–1992-ci illərdə Azərbaycan Dövlət Universitetinin Hüquq fakültəsinin dosenti işləyib. 1992-ci ildən Azərbaycan Pedaqoji Universitetinin professorudur. Həm də hüquq tədris mərkəzində tədris işləri üzrə direktor müavini işləyib. Hüquq elmləri doktorudur. 1976-cı ildə Azərbaycan SSR Ali Sovetinin Fərmanı ilə "Əməkdar hüquqşünas" fəxri adına layiq görülüb. I və II dərəcəli "Böyük Vətən müharibəsi" və "Xalqlar dostluğu" ordenləri, həmçinin bir çox medallarla təltif olunub.^[2]