İlham Nemətov

Bu, tənha məqalədir, çünki hansısa məqalədən bu məqaləyə verilmiş keçid yoxdur. Lütfən, əlaqəli məqalələrdən bu səhifəyə keçid verməyə çalışın. (fevral 2023)

İlham Tuyçiyeviç Nemətov ( özb. Ilhom Tuychievich Nematov ; 1 may 1952, Nəməngan, Özbəkistan SSR) - Özbək diplomatı. Özbəkistan Respublikasının fövqəladə və səlahiyyətli səfiri.

İlham Nemətov
Ilhom Tuychievich Nematov
Şəxsi məlumatlar
Doğum tarixi	1 may 1952 (72 yaş)
Doğum yeri	Nəməngan, Özbəkistan SSR, SSRİ
Təhsili	Rusiya Federasiyası Xarici İşlər Nazirliyinin Diplomatik Akademiyası[d]
Fəaliyyəti	diplomat
Vikianbarda əlaqəli mediafayllar

1973-cü ildə Fərqanə Politexnik İnstitutunu inşaat mühəndisi ixtisası üzrə bitirmişdir. 1992 -ci ildə Moskvada Xarici İşlər Nazirliyinin Diplomatik Akademiyasından məzun olmuşdur.

1973-1974 -cü illərdə Özbəkistan Silahlı Qüvvələri sıralarında xidmət etmişdir. 1975-1989 -cu illərdə Namanqan vilayətinin tikinti təşkilatlarında, partiya və ictimai orqanlarında müxtəlif rəhbər vəzifələrdə çalışmışdır. 1989-1992 - Xarici İşlər Nazirliyinin Diplomatik Akademiyasının tələbəsi olmuşdur. 1992-1993-cü illərdə Özbəkistan Xarici İşlər Nazirliyinin şöbə müdiri, 1993-1995-ci illərdə Özbəkistanın Almaniyadakı səfirliyinin birinci katibi olmuşdur. 1995-1996-cı illərdə Özbəkistan Xarici İşlər Nazirliyinin Konsulluq İdarəsi rəisinin müavini vəzifəsini icra etmişdir. 1996-1997-ci illərdə Özbəkistan Respublikası Prezidenti yanında Milli Təhlükəsizlik Şurasının aparıcı məsləhətçisi olmuşdur.

1997-1999-cu illərdə Özbəkistan Respublikasının Hindistandakı fövqəladə və səlahiyyətli səfiri olan Nemətov 1999-2000-ci illərdə Özbəkistan Xarici İşlər nazirinin müşaviri vəzifəsini icra etmişdir. 2000-2005-ci illərdə Özbəkistan xarici işlər nazirinin müavini, Şanxay Əməkdaşlıq Təşkilatının (ŞƏT) Milli Koordinatoru olmuşdur. 9 fevral 2005-ci ildən 27 noyabr 2008-ci ilə qədər Özbəkistan xarici işlər nazirinin birinci müavini olmuşdur. Dekabr 2008-Fevral 2010-cu illərdə Özbəkistanın Rusiyadakı fövqəladə və səlahiyyətli səfiri vəzifəsini icra etmişdir. 2010-2013-cü illərdə Özbəkistanın ABŞ-da, həmçinin, Braziliyada və Kanadada fövqəladə və səlahiyyətli səfiri vəzifəsini icra etmişdir. Bu zaman onun iqamətgahı Vaşinqtonda olmuşdur. 2013-cü ilin avqustundan 2014-cü ilin iyuluna qədər Özbəkistan Xarici İşlər Nazirliyinin xüsusi tapşırıqlar üzrə səfiri olmuşdur. 2014-2016-cı illərdə - "GM Uzbekistan ASC"-nin baş direktorunun müşaviri olmuşdur. 14 sentyabr 2016-cı ildən 2018-ci ilin noyabrına qədər Özbəkistan Xarici İşlər Nazirliyinin xüsusi tapşırıqlar üzrə səfiri olan Nemətov 14 Noyabr 2018-ci ildən Özbəkistan Xarici İşlər nazirinin birinci müavini vəzifəsini icra edir.

1 yanvar 2021-ci ildən - MDB İcraiyyə Komitəsinin Sədr müavini - İcraçı Katibi seçilib.^[1][2]

İqtisadiyyat elmləri namizədidir. Özbək dilindən əlavə İngilis və alman dillərini bilir.

Ailəlidir və dörd övladı var.