Şota Arveladze

Şota Arveladze (gürc. შოთა არველაძე; doğum 22 fevral 1973, Tbilisi, Gürcüstan SSR, SSRİ) — gürcüstanlı futbol mütəxəssisi, keçmiş futbolçu, İsrailin Makkabi Tel-Əviv klubunun baş məşqçisi.[3]

Şota Arveladze
gürc. შოთა არველაძე
Ümumi məlumatlar
Doğum tarixi 22 fevral 1973(1973-02-22)[1][2][…] (51 yaş)
Doğum yeri
Vətəndaşlığı SSRİ SSRİ
Gürcüstan Gürcüstan
Boyu 1.81 m
Çəkisi 73 kq
Mövqeyi Hücumçu
Karyerası
Klub karyerası[* 1]
1990—1991 Gürcüstan Martve Tbilisi 30 (33)
1991—1995 Gürcüstan Dinamo Tbilisi 75 (62)
1993—1994 →  Türkiyə Trabzonspor 18 (15)
1995—1997 Türkiyə Trabzonspor 78 (46)
1997—2001 Niderland Ayaks 96 (55)
2001—2005 Şotlandiya Reyncers 95 (44)
2005—2007 Niderland AZ Alkmaar 60 (36)
2007—2008 İspaniya Levante 4 (0)
Milli yığma[* 2]
1997—2007 Gürcüstan Gürcüstan 61 (26)
Məşqçisi olduğu klublar
2008—2010 Niderland AZ Alkmaar (köməkçi)
2010—2012 Türkiyə Kayserispor
2012—2015 Türkiyə Kasımpaşa
2015 Türkiyə Trabzonspor
2016— İsrail Makkabi Tel-Əviv
  1. ↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarın loqosu Vikianbarda əlaqəli mediafayllar

1997-2007-ci illər ərzində Gürcüstan milli futbol komandasının heyətində 61 oyun keçirib və 26 qol vurub. Milli komandanın heyətində ən çox qol vurmuş futbolçudur.[4] Futbolçu kimi hücumçu mövqeyində oynamışdır.

Klub karyerası

[redaktə | mənbəni redaktə et]

Şota futbola 1990-cı ildə "Martve Tbilisi" komandasında başlayıb. Burada sərgilədiyi uğurlu oyunlardan sonra, 1992-ci ildə "Dinamo Tbilisi"yə transfer olunub.

1993-94 mövsümünün dövrə arası fasiləsi zamanı o dönəm "Trabzonspor" klubunun prezidenti olan Sədri Şener tərəfindən bəyənilərək əkiz qardaşı Arçil Arveladze ilə birlikdə "Trabzonspor"a transfer olunub. "Trabzonspor"a gələndə çox gənc olmasına baxmayaraq, yüksək performans göstərib. Şota 1995-96 mövsümündə 25 qol vuraraq Tarıq Hodziçdən sonra Türkiyə çempionatında qol kralı olan ikinci əcnəbi futbolçu adını qazanıb. "Trabzonspor" azarkeşləri tərəfindən komandaya gəlmiş ən yaxşı əcnəbi futbolçu kimi göstərilən Şota 1997-ci ildə klubu tərk edib.

"Trabzonspor"dan sonra Hollandiya karyerası başlayıb. Şota 1997-ci ildə "Ayaks"a transfer olunur. "Ayaks"da da özünü sübut edən Şota 4 mövsüm ərzində 96 matçda meydana çıxır və 55 qol vurur. Daha sonra 2001-ci ildə Şotlandiya nəhəngi "Reyncers"ə transfer olunur. Burada da "Ayaks"da olduğu kimi 4 mövsüm forma geyir. Şotlandiya klubunda 95 matçda 44 qol vurmağı bacarır.

2005-ci ildə də "AZ Alkmaar" komandasına keçib. "AZ Alkmaar"ın çempionluğu qaçırdığı və UEFA Kubokunda yarımfinala çıxdığı 2005-06 mövsümündə komandası adına 22 qol, növbəti mövsüm isə 14 qol vurmağı bacarır. Ümumən bu klubun heyətində 60 oyunda 36 dəfə fərqlənməyi bacarır.

2007-ci ildə İspaniyanın "Levante" klubuna keçib, lakin mütəmadi zədələr səbəbindən klubun heyətində cəmi 4 oyuna çıxa bilib. 3 iyun 2008-ci ildə Şota Arveladzenin vida matçı keçirilib. Tbilisidəki Boris Payçadze adına stadionda “Şota Arveladzenin dostları” ilə Gürcüstan milli futbol komandası üz-üzə gəlib. Görüş “Şota Arveladzenin dostları”nın 9:6 hesablı qələbəsi ilə başa çatıb. Görüşü 45 min tamaşaçı izləyib.[5]

Milli komanda karyerası

[redaktə | mənbəni redaktə et]

1992-ci ildən milli komandaya dəvət olunur. İlk oyununu 2 sentyabr 1992-ci ildə yoldaşlıq görüşü çərçivəsində Litva yığmasına qarşı keçirmişdir. Yığmada ilk qolunu 17 sentyabr 1992-ci ildə yoldaşlıq görüşündə Azərbaycan milli futbol komandasına vurmuşdur.

Gürcüstan milli futbol komandasında indiyə qədər ən çox qol vuran futbolçudur. 1992-2007-ci illər ərzində Gürcüstan yığmasının heyətində 61 oyun keçirib və 26 qol vurub. Gürcüstan futbol federasiyası Arveladzenin millidə geyindiyi 11 nömrəli formanın əbədiləşdirməsi qərarını verib.[6]

Uğurları

[redaktə | mənbəni redaktə et]

Klub

[redaktə | mənbəni redaktə et]
Gürcüstan Dinamo Tbilisi
Türkiyə Trabzonspor
Niderland Ayaks
Şotlandiya Reyncers

Şəxsi

[redaktə | mənbəni redaktə et]

İstinadlar

[redaktə | mənbəni redaktə et]
  1. ↑ http://www.tff.org/Default.aspx?pageId=30&kisiId=25372.
  2. ↑ Shota Arveladze // Transfermarkt (çd.). 2000.
  3. ↑ "Шота Арвеладзе назначен главным тренером ФК "Маккаби" (Тель-Авив)" (rus). 2016-10-19 tarixində arxivləşdirilib.
  4. ↑ "В Тбилиси состоялся прощальный матч Шоты Арвеладзе" (rus). 2016-03-04 tarixində arxivləşdirilib.
  5. ↑ "АРВЕЛАДЗЕ ЗАВЕРШИЛ ФУТБОЛЬНУЮ КАРЬЕРУ" (rus).
  6. ↑ "Shota Arveladze's Farewell Match" (ingilis). 2016-03-04 tarixində orijinalından arxivləşdirilib.

Xarici keçidlər

[redaktə | mənbəni redaktə et]
Vikianbarda Şota Arveladze ilə əlaqəli mediafayllar var.