Şura Ayvazov

Şura Nəbi oğlu Ayvazov (4 yanvar 1957, Faxralı, Bolnisi rayonu) — Gürcüstanın ictimai-siyasi xadimi, Gürcüstan Qarapapaq Türkləri Birliyi Rəyasət Heyətinin Sədri, Gürcüstan Türkləri Konfederasiyası Ali Şurası Sədrinin birinci müavini[1][2].

ŞURA AYVAZOV
Şura Nəbi oğlu Ayvazoov
Doğum tarixi 4 yanvar 1957(1957-01-04) (66 yaş)
Doğum yeri
Vətəndaşlığı
Uşaqları Məhərrəm Ayvazov
Sahib Ayvazov
Atası Ayvazov Nəbi Məhərrəm oğlu
Milliyyəti Qarapapaq Türkü
İxtisası Mühəndis-mexanik
Təhsili 1) Şimai Osetiya Qorski Dövlət Aqrar Universiteti
2) Qafqaz Siyasi Texnologiyalar İnstitutu (2012)
Fəaliyyəti Gürcüstan Türkləri Konfederasiyası Ali Şurası Sədrinin birinci müavini

Həyatı[redaktə | mənbəni redaktə et]

Şura Ayvazov 4 yanvar 1957-ci ildə Gürcüstan SSR-in Bolnisi rayonunun Faxrali kəndində dünyaya gəlib. Uşaqlığı əsasən Faxralı kəndində keçib.

Təhsili[redaktə | mənbəni redaktə et]

  • Faxralı kənd orta məktəbini bitirib
  • 1989-cu ildə Qorski Dövlət Universitenin (RSFSR, Şimali Osetiya MSSR) Mexanizasiya ixtisası üzrə bitirib.
  • 1994-cü ildə Rusiya Dövlət Gömrük Xidmətinin Tədris Mərkəzində ixtisaslaşma kursunu keçib.
  • 2012-ci ildə Qafqaz Siyasi Texnologiyalar İnstitunun "Konfliktologiya" kursunu başa vurub.

İctima-siyasi fəaliyyəti[redaktə | mənbəni redaktə et]

Şura Ayvazov Gürcüstan türklərinin hələ SSRİ zamanından ictimai-siyasi xadimi kimi tanınıb. 1972-1978-ci illərdə Ümumittifaq Lenin Kommunist Gənclər ittifaqının Bolnisi rayon Komitəsində aparıcı rol oynayıb. 1978-ci ildə Sovet ittifaqı Kommunist partiyasının üzvlüyünə daxil olub və Gürcüstan Kommunist Partiyası Bolnisi rayon Komitəsinin üzvü vəzifəsini tutb.

Şura Ayvazov 1991-ci ilə qədər, yəni Sov.İKP rəsmən buraxılana qədər onun fəal üzvü olub. 1989-1993-cü illərdə Rusiya Federasiyası, Şimali Osetiya Alaniya Respublikasında kənd təssərüfatı sahəsində müxtəlif xidməti vəzifələrdə çalışıb. Şura Ayvazov 1993-1998-ci illərdə Rusiya federasiyası Dövlət Gömrük Xidmətinin əməkdaşı olub.

2002-ci ildə Gürcüstana dönən Şura Ayvazov Eduard Şevardnadzenin rəhbərlik etdiyi Gürcüstan Vətəndaşlar İttifaqı siyasi hərakatına daxil olub.

2002-2004-cü illərdə Gürcüstan Respublikası Maliyyə Nazirliyi Vergilər Departamentində xidməti vəzifə icra edib. 5 may 2012-ci ildə Gürcüstan Türkləri Konfederasiyası Ali Şurasının sessiyasında kooptasiya yolu ilə Ali Şuranın tərkibinə daxil edilmişdir.

10 yanvar 2013-cü ildə isə GTK Ali Şurasının sessiyasında Gürcüstan Türkləri Konfederasiyası Ali Şurası Sədrinin 1-ci müavini vəzifəsinə seçilmişdir. 22 yanvar 2013-cü il tarixdə Gürcüstan Qarapapaq Türkləri Birliyi (GQTB) Rəyasət Heyətinin ilk iclasında GQTB Rəyasət Heyətinin Sədri seçilmişdir

Ailəsi[redaktə | mənbəni redaktə et]

Şura Ayvazov Gürcüstan Türkləri Konfederasiyasının Baş katibi Məhərrəm Ayvazovun atasıdır.

İstinadlar[redaktə | mənbəni redaktə et]

  1. ↑ "Дашгын Гюльмамедов и Эльмар Гасанов подали в отставку - www.minval.az". 2016-02-22 tarixində orijinalından arxivləşdirilib. İstifadə tarixi: 2013-06-16.
  2. ↑ Gürcüstan Türkləri Konfederasiyasının sədri istefa verdi - www.gunxeber.com[ölü keçid]