Aleksandra Savior

Aleksandra Savior MakDermot[6] (14 iyun 1995, Portlend) — amerikalı müğənni, bəstəkar. İlk albomu Belladonna of Sadness 7 aprel 2017-ci ildə Columbia Records tərəfindən buraxılıb.[7] Saviorun ikinci studiya albomu The Archer 10 yanvar 2020-ci ildə işıq üzü görmüşdür.[8]

Aleksandra Savior
ing. Alexandra Savior
Savior 2016-cı ildə
Savior 2016-cı ildə
Ümumi məlumatlar
Doğum adı Alexandra Savior McDermott[1]
Doğum tarixi [2] (28 yaş)
Doğum yeri Portlend (Oreqon), ABŞ[3]
Musiqiçi məlumatları
Fəaliyyəti müğənni-mahnı yazarı
Fəaliyyət illəri 2013-cü ildən
Janrlar drim-pop[d], indi-rok, psixodelik rok
Albom şirkəti
alexandrasavior.com
Vikianbarın loqosu Vikianbarda əlaqəli mediafayllar

Həyatı[redaktə | mənbəni redaktə et]

Savior 14 iyun 1995-ci ildə Oreqon ştatının Portlend şəhərində anadan olub.[1] O, anasının bətnində olarkən anasına uşaqlıq yolu xərçəngi diaqnozu qoyulub, xoşbəxtlikdən anası xəstəlikdən sağalıb. Bu hadisəyə görə atası onun orta adını Xilaskar mənasına gələn Savior adını qoyub.[9]

O, ilk dəfə 14 yaşında mahnı yazmaqla maraqlanmağa başladı, həmçinin musiqiçi olan böyük qardaşından ilham aldı.[6] Həmyaşıdlarının zorbalığı ilə üzləşdiyi üçün orta məktəbi dəyişməli oldu.[1]

Savior 2012-ci ilin sentyabrında 17 yaşında olarkən Kortni Lavın "Big Jet Plane" mahnısı üçün oxuduğu kover ifası ilə YouTube sosial şəbəkəsində məşhurlaşdı.[10] İzləyiciləri onun gələcəyinin parlaq olduğunu düşünürdülər.[11] 2013-cü ilin aprel ayında Erin Fetherston üçün bir az modellik etdi və ilk albomunun tezliklə çıxacağına ümid etdiyini bildirdi.[12] Orta məktəbi 2013-cü ilin iyun ayında bitirdi.[1] Həmin ilin oktyabr ayında Linda Perri onun potensialını Fiona Eppl ilə müqayisə etdi.[1] Savior incəsənət məktəbinə getmə planlarından imtina etdi.[6]

Karyerası[redaktə | mənbəni redaktə et]

Təxminən 2013-cü ilin sentyabrında Savior, Columbia Records ilə səsyazma müqaviləsi imzaladı və Los-Ancelesə köçdü. O sənət və sosial cəhətdən hazır olmadığını etiraf etdi.[6]

Əvvəlki adı ilə bilinən ilk albomu Strange Portrait[13] 2014–2015-ci illərdə prodüser Ceyms Ford və Aleks Törner ilə Los-Ancelesdə yazıldı və qeydə alındı.[6][14] Onun ilk demosu "Risk" True Detective televiziya serialının ikinci mövsümünün soundtrekində nümayiş etdirildi.[15] Bu nümayişdə onun adı Aleksandra Semiton olaraq qeyd olundu.[16] Sonradan səsyazma prosesi zamanı o, Törnerin məsləhətinə qulaq asaraq səhnə adını orta adı ilə dəyişdirdi.[6]

Saviorun ilk rəsmi mahnı buraxılışı olan "Shades", 17 iyun 2016-cı ildə buraxıldı.[17] Savior və Törnerin səsyazma seansları zamanı yazdığı "Miracle Aligner" mahnısı Saviorun albomundan çıxarılaraq yenidən yazılıb, The Last Shadow Puppets qrupunun ikinci albomuna əlavə olundu.[6] Savior özünün çəkdiyi bəzi rəsmləri sinqlların üz qabığı kimi istifadə etdi.[6] Alboma ən sevdiyi yapon animesi olan "Belladonna of Sadness"in (1973) adını qoydu.

Albom əslində 2015-ci ilin iyununda tamamlanmasına baxmayaraq yayımlanmadı, onun sözlərinə görə hələ "inkişaf" mərhələsində idi.[6] O, adətən Los-Anceles, Nyu-York və London media paytaxtlarında sənaye auditoriyasına bir neçə məhdud konsert proqramı ilə çıxış etdi.[14][15] Bu çıxışlarda PAPA qrupundan dəstəkləyici musiqiçilər kimi istifadə edirdi.[14][15] 2016-cı ilin oktyabrında gecikmə barədə danışarkən o, "çox çətin olduğunu" dilə gətirdi.[6]

Savior, Li Mişelin 2017-ci ildə buraxığı "Places" albomunda "Sentimental Memories" trekinin həmmüəllifi kimi çıxış edib. 2016-cı ildə Savior, Bruklində qurulmuş Dark Tea musiqi qrupunun "Providence Sky" mahnısında qonaq vokalist kimi yer alıb.[18]

Debüt albomu çıxdıqdan sonra o, Columbia Records-a bir neçə ədəd demo təqdim etdi, çox keçməmiş səsyazma şirkətindən rədd cavabı aldı. Onun ilk albomu şirkətin gözlədiyi kommersiya performansını əldə etmədiyi üçün o, leybldan kənarlaşdırıldı və meneceri istefa verdi. Bir müddət sonra Danger Mouse ondan Broken Bells-in "Good Luck" mahnısında ifa etməsini istədi. Bunların ardınca o, Danger Mouse-un sahib olduğu "30th Century Records" albom şirkəti ilə müqavilə bağladı. Bir neçə həftə sonra Sem Koen ilə Nyu-Yorka mahnı yazmağa başladı.[19] Bu dövrlər onun üçün "çox çətin oldu", çünki insanlar ona "uğursuz olduğunu" və "karyerasının bitdiyini" deyirdilər.[19][20] O, yeni mahnılarının bir neçəsini Törnerə göndərəndə Törner onlardan yalnız bir neçəsini bəyəndiyini bildirdi.[20] Bundan sonra o, "Törner ilə münasibətləri korlandığı" üçün özünü ondan uzaq tutmağa başladı.[21] Savior 2019-cu ilin iyununda Belladonna of Sadness-i buraxdıqdan iki il sonra, ikinci studiya albomu "The Archer"-dən "Crying All The Time" adlı ilk sinql ilə qayıtdı. Sinql 14 iyun 2019-cu ildə buraxıldı.[22] Daha üç sinql buraxdıqdan sonra ikinci studiya albomu The Archer 10 yanvar 2020-ci ildə yeni müqavilə bağladığı 30th Century Records tərəfindən buraxıldı.[23]

Diskoqrafiya[redaktə | mənbəni redaktə et]

Albomlar[redaktə | mənbəni redaktə et]

Sinqllar[redaktə | mənbəni redaktə et]

İl Ad Albom
2016 "Shades"[25] Belladonna of Sadness
"M. T. M. E."[26]
"Mystery Girl"[27]
2017 "Mirage"[28]
"Vanishing Point"[29]
"Bones"
2019 "Crying All the Time"[30] The Archer
"Saving Grace"[31]
"The Archer"[32]
"Howl"[33]

İstinadlar[redaktə | mənbəni redaktə et]

  1. ↑ 1 2 3 4 5 Eboma, Tatsha C. "Alexandra McDermott". 2022-08-31 tarixində arxivləşdirilib. İstifadə tarixi: 2022-08-31.
  2. ↑ "Login • Instagram". Instagram.com. March 29, 2018 tarixində arxivləşdirilib. İstifadə tarixi: January 18, 2021.
  3. ↑ "Alexander Savior Debuts First Official Song 'Shades'". Broadwayworld.com. 2022-08-31 tarixində arxivləşdirilib. İstifadə tarixi: 2022-08-31.
  4. ↑ "30th Century Records » Alexandra Savior". 30thcenturyrecords.com. August 31, 2022 tarixində arxivləşdirilib. İstifadə tarixi: January 18, 2021.
  5. ↑ Production, Columbia Records Digital. "Columbia Records – Music Moving Forward". 2022-08-18 tarixində arxivləşdirilib. İstifadə tarixi: 2022-08-31.
  6. ↑ 1 2 3 4 5 6 7 8 9 10 Graves, Shahlin. "Interview: Alexandra Savior on her upcoming debut album". Coup De Main Magazine. October 10, 2016. 31 August 2022 tarixində arxivləşdirilib. İstifadə tarixi: 22 November 2016.
  7. ↑ Graves, Shahlin. "Alexandra Savior announces debut album 'Belladonna of Sadness' + drops new song 'Mystery Girl'". Coup De Main Magazine. November 22, 2016. 10 June 2020 tarixində arxivləşdirilib. İstifadə tarixi: 22 November 2016.
  8. ↑ "Alexandra Savior Finds Her Voice on 'The Archer': Album Premiere". Billboard. 2021-10-27 tarixində arxivləşdirilib. İstifadə tarixi: 2020-01-13.
  9. ↑ Sitat səhvi: Yanlış <ref> teqi; :1 adlı istinad üçün mətn göstərilməyib
  10. ↑ "Alexandra Savior - Artist Profile". eventseeker.com (ingilis). 2022-08-31 tarixində arxivləşdirilib. İstifadə tarixi: 2020-03-24.
  11. ↑ "Video: Courtney Love Declares Alexandra McDermott The Next Big Thing". March 10, 2017 tarixində orijinalından arxivləşdirilib.
  12. ↑ "The Next Big Thing: Alexandra McDermott – Galore". April 29, 2013. September 14, 2019 tarixində arxivləşdirilib. İstifadə tarixi: August 31, 2022.
  13. ↑ "Alexandra Savior". nightout.com. 23 July 2019 tarixində arxivləşdirilib. İstifadə tarixi: 22 November 2016.
  14. ↑ 1 2 3 "Alexandra Savior, Mystery Girl, Steps out of the Shade". Noisey. 22 November 2016 tarixində arxivləşdirilib. İstifadə tarixi: 22 November 2016.
  15. ↑ 1 2 3 "Alexandra Savior's May 2016 Williamsburg Show Reviewed". NME. May 27, 2016. 11 August 2016 tarixində arxivləşdirilib. İstifadə tarixi: 22 November 2016.
  16. ↑ "Shazam". Shazam.com. August 31, 2022 tarixində arxivləşdirilib. İstifadə tarixi: January 18, 2021.
  17. ↑ BWW News Desk. "Alexander Savior Debuts First Official Song 'Shades'". 31 August 2022 tarixində arxivləşdirilib. İstifadə tarixi: 22 November 2016.
  18. ↑ Graves, Shahlin. "Listen: Alexandra Savior features on Dark Tea's 'Providence Sky'". Coup De Main Magazine. December 1, 2016. 31 August 2022 tarixində arxivləşdirilib. İstifadə tarixi: 4 November 2018.
  19. ↑ 1 2 "Alexandra Savior on her sophomore record being a reflection of self-discovery and growth". Hero (ingilis). 2022-11-29 tarixində arxivləşdirilib. İstifadə tarixi: 2022-11-29.
  20. ↑ 1 2 "Alexandra Savior quietly dropped the most underrated indie album of 2020". Blunt Magazine (ingilis). 2020-08-11. 2022-11-29 tarixində arxivləşdirilib. İstifadə tarixi: 2022-11-29.
  21. ↑ Sitat səhvi: Yanlış <ref> teqi; :0 adlı istinad üçün mətn göstərilməyib
  22. ↑ "Premiere: Alexandra Savior Shares New Single, 'Crying All The Time'". Forbes. June 13, 2019. 31 August 2022 tarixində arxivləşdirilib. İstifadə tarixi: 14 June 2019.
  23. ↑ "The Archer". Music.apple.com. 2022-08-31 tarixində arxivləşdirilib.
  24. ↑ "LADYGUNN". Ladygunn.com. September 12, 2019. August 30, 2022 tarixində arxivləşdirilib. İstifadə tarixi: January 18, 2021.
  25. ↑ "Shades - Single On Spotify". Spotify. August 30, 2022 tarixində arxivləşdirilib. İstifadə tarixi: December 26, 2019.
  26. ↑ "M.T.M.E. - Single On Spotify". Spotify. August 30, 2022 tarixində arxivləşdirilib. İstifadə tarixi: December 26, 2019.
  27. ↑ "Mystery Girl - Single On Spotify". Spotify. August 30, 2022 tarixində arxivləşdirilib. İstifadə tarixi: December 26, 2019.
  28. ↑ "Mirage - Single On Spotify". Spotify. August 30, 2022 tarixində arxivləşdirilib. İstifadə tarixi: December 26, 2019.
  29. ↑ "Vanishing Point - Single On Spotify". Spotify. August 30, 2022 tarixində arxivləşdirilib. İstifadə tarixi: December 26, 2019.
  30. ↑ "Crying All the Time - Single On Spotify". Spotify. August 30, 2022 tarixində arxivləşdirilib. İstifadə tarixi: December 26, 2019.
  31. ↑ "Saving Grace - Single On Spotify". Spotify. August 30, 2022 tarixində arxivləşdirilib. İstifadə tarixi: December 26, 2019.
  32. ↑ "The Archer - Single On Spotify". Spotify. August 30, 2022 tarixində arxivləşdirilib. İstifadə tarixi: December 26, 2019.
  33. ↑ "Howl - Single On Spotify". Spotify. August 30, 2022 tarixində arxivləşdirilib. İstifadə tarixi: December 26, 2019.

Xarici keçidlər[redaktə | mənbəni redaktə et]