Anaxoreta sovkası
Anaxoreta sovkası[1] (lat. Cyrebia anachoreta) — Pulcuqluqanadlılar dəstəsinə, Sovkalar fəsiləsinə aid kəpənək növü.
| Anaxoreta sovkası | ||||||
|---|---|---|---|---|---|---|
 | ||||||
| Elmi təsnifat | ||||||
|
XƏTA: parent və rang parametrlərini doldurmaq lazımdır. ???: Anaxoreta sovkası |
||||||
| Beynəlxalq elmi adı | ||||||
| Cyrebia anachoreta (Herrich – Schaffer, 1851) | ||||||
| ||||||
Təsviri[redaktə | mənbəni redaktə et]
Kəpənəyin qanadları açılmış halda uzunluğu 26 – 29 mm-dir. Ön qanadları qırmızımtıl – sarı rəngdə olub, yaşılımtıl – boz yaxud qonur rəngli pulcuqlarla qarışıqdır. Yumuru və böyrəkşəkilli naxışlar qanadın ön kənarında yerləşir.Üzərində zəif görünən açıq rəngli eninə uzanan zolaq vardır. Arxa qanadları sarıdır, ensiz qara rənglə haşiyələnmişdir. Qarıncığı sarımtıla çalır.[2]
Yayılması[redaktə | mənbəni redaktə et]
Şimali Qafqaz (Qruş, Kars, Dağıstan, Zarıdağ); Gürcüstan (Laqodexi, Sikro – Sxaro) və Türkiyədə yayılmışdır. Azərbaycanda Qax, Zaqatala, Göygöl, Ordubad, Kəlbəcər rayonlarında rast gəlinir.[3]
Həyat tərzi[redaktə | mənbəni redaktə et]
Böyük və Kiçik Qafqazın subalp, alp çəmənikləri və meşə açıqlıqlarında görünürlər. Biologiyası məlum deyil. Kəpənəyi gündüzlər iyulun ortalarından avqustun axırlarına qədər uçur. Uçuşu çox iti və sürətlidir. Günün çox hissəsini çobanyastığı, qarabaşaq və digər bitkilərin çiçəkləri üzərində keçirir. Ona toxunduqda uçmur, dərhal özünü otluğa atır və gizlənir. Sonra onu tapmaq mümkün olmur.
Sayı[redaktə | mənbəni redaktə et]
Azsaylıdır, nəsli kəsilmək üzrədir
Məhdudlaşdırıcı amillər[redaktə | mənbəni redaktə et]
Yaşayış yerlərinin antropogen təsirlərə məruz qalması (mal-qara otarılması, ot çalımı, dərman bitkilərinin toplanması), kəpənəyin kolleksiyaçılar tərəfindən tutulması.
Qorunması üçün məsləhət görülən tədbirlər[redaktə | mənbəni redaktə et]
Yaşayış ərazilərində qoruqların təşkili.
Ədəbiyyat[redaktə | mənbəni redaktə et]
- Azərbaycanın Qırmızı Kitabı, Bakı, II Cild, 2013
- И.В.Кожанчиков Фауна СССР. Насекомые-чешуекрылые. Совки (подсем. Agrotinae), Академии Наук СССР, т. ХIII, вып. 3, М.–Л., 1937, с. 289;
- Рябов М.А. Чешуекрылые Кавказа. Животный мир СССР, т.V, М.–Л., изд-во АН СССР, 1958, с. 367 - 368;
- Алиев С.В. Совки (Lepidoptera, Noctuidae) Азербайджана. Баку: Элм, 1984, 209 с
Həmçinin bax[redaktə | mənbəni redaktə et]
İstinadlar[redaktə | mənbəni redaktə et]
- ↑ LepIndex: The Global Lepidoptera Names Index. Beccaloni G.W., Scoble M.J., Robinson G.S. & Pitkin B., 2005-06-15
- ↑ И.В.Кожанчиков Фауна СССР. Насекомые-чешуекрылые. Совки (подсем. Agrotinae), Академии Наук СССР, т. ХIII, вып. 3, М.–Л., 1937, с. 289;
- ↑ Azərbaycanın Qırmızı Kitabı, Bakı, II Cild, 2013