Asif Hüseynov

Asif Hüseynov (25 aprel 1981, Qalaqayın, Sabirabad rayonu) — Şabran Rayon İcra Hakimiyyətinin başçısı.

Asif Hüseynov
Şabran Rayon İcra Hakimiyyətinin başçısı
Vəzifədədir
5 aprel 2019-cu ildən
Əvvəlki	Novruz Novruzov
Siyəzən Rayon İcra Hakimiyyətinin başçısı
12 oktyabr 2015 – 5 aprel 2019
Əvvəlki	Arif Qasımov
Sonrakı	Novruz Novruzov
Şəxsi məlumatlar
Doğum tarixi	25 aprel 1981(1981-04-25) (43 yaş)
Doğum yeri	Qalaqayın, Sabirabad rayonu, Azərbaycan SSR, SSRİ
Təhsili	Bakı Dövlət Universitetinin Hüquq fakültəsi
Elmi fəaliyyəti
Elmi dərəcəsi	iqtisad üzrə fəlsəfə doktoru
Təltifləri

Hüseynov Asif Həbib oğlu 25 aprel 1981-ci ildə Sabirabad rayonunun Qalaqayın kəndində anadan olmuşdur.

Azərbaycan Texniki Universitetini iqtisadçı, Bakı Dövlət Universitetini hüquqşünas ixtisasları üzrə bitirmişdir.

Əmək fəaliyyətinə başladığı dövrdən ARDNŞın Heydər Əliyev adına Neft Emalı Zavodunda və ARDNŞ-ın Sosial İnkişaf İdarəsində müxtəlif vəzifələrdə çalışmış, 2015-ci ilin oktyabr ayının 12-dək Azərbaycan Respublikası Dövlət Neft Şirkəti Sosial İnkişaf İdarəsinin rəis müavini olmuşdur.

2015–2019-cu illərdə isə Siyəzən Rayon İcra Hakimiyyətinin başçısı vəzifəsində çalışmışdır.

Azərbaycan Respublikası Prezidentinin 5 aprel 2019-cu il tarixli Sərəncamı ilə Şabran Rayon İcra Hakimiyyətinin başçısı təyin edilib.

İqtisad üzrə fəlsəfə doktorudur. Ailəlidir, üç övladı var.