Azər Abdulla

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

Azər Abdulla oğlu Əhmədbəyli (Azər Abdulla) (1 aprel 1940 – 20 mart 2021, Bakı) — şair, yazıçı, publisist, 1986-cı ildən Azərbaycan Yazıçılar Birliyinin üzvü, Azərbaycan Jurnalistlər Birliyinin üzvü (1977), filologiya elmləri namizədi (1986).

Azər Abdulla
Azər Abdulla oğlu Əhmədbəyli
Doğum adı	Azər Əhmədbəyli
Doğum tarixi	1 aprel 1940(1940-04-01)
Doğum yeri	Zəngəzur, Qərbi Azərbaycan
Vəfat tarixi	20 mart 2021(2021-03-20) (81 yaşında)
Vəfat yeri	Bakı, Azərbaycan
Vəfat səbəbi	kəskin pnevmoniya
Dəfn yeri	Xırdalan
Vətəndaşlığı	Azərbaycan
Milliyyəti	azərbaycanlı
Uşağı	Alpay Azər
Təhsili	Azərbaycan Dövlət Universiteti
İxtisası	filoloq
Fəaliyyəti	Şair, yazıçı, publisist
Fəaliyyət illəri	1967—2021
Əsərlərinin dili	Azərbaycan, türk, rus, ingilis, fransız, fars dillərində
azerabdulla.blogspot.com

Azər Abdulla 1940-cı il aprelin 1-də Qərbi Azərbaycanın Zəngəzur mahalının Mığrı bölgəsinin Lök kəndində kolxozçu ailəsində dünyaya göz açıb. Lök kəndi orta yediillik məktəbində, sonra qonşu kənd orta məktəbində təhsil almışdır. Azərbaycan Dövlət Universitetinin filologiya fakültəsinin dil və ədəbiyyat şöbəsini bitirmişdir (1962–1967).

Jurnalistik fəaliyyətinə "Azərbaycan məktəbi" jurnalında korrektor, "Mədəni ticarət" qəzetində ədəbi işçi işlərkən başlamış (1967–1969), ilk qələm təcrübələrini və şerlərini dövri mətbuatda çap etdirmişdir. "Qobustan" toplusunda texniki redaktor vəzifəsində çalışmışdır. "Oğuz Eli" qəzetinin əlavəsi olan "Yazıçı" qəzetinin baş redaktoru idi.

"Nazim Hikmət və Azərbaycan" mövzusunda namizədlik dissertasiyası müdafiə etmişdir.

Dövri mətbuatda şeir, hekayə və publisistik yazılarla müntəzəm çıxış edib.

Azər Abdulla 2021-ci il martın 20-də kəskin pnevmoniyadan dünyasını dəyişib.^[1] Xırdalan qəbiristanlığında dəfn olunub.

1. Bir durna qatarıyıq. Bakı: Gənclik, 1969, 36 səh.
2. Gedirəm gündoğana. Bakı: Gənclik, 1979, 32 səh.
3. Səni gözləyirəm. Bakı: Gənclik, 1984, 25 səh.
4. Bəyaz çiçəklər. Bakı: Yazıçı, 1986, 136 səh.
5. Oyun. Bakı: Yazıçı, 1989, 141 səh.
6. Qəmərlidən keçən qatar. Bakı: Gənclik, 1969, 216 səh.
7. Pa de şa. Bakı: Gənclik, 2005, 210 səh.
8. Qapıları bir-bir döydüm. Bakı: Nurlar, 2007, 96 səh.
9. Onlar qəmli idi. Bakı: 2007, "Vektor" Nəşrlər Evi, 242 səh.
10. Havalı sular, sevdalı sular. Bakı: 2009, "Vektor" Nəşrlər Evi, 170 səh.
11. Kəpənək bayramı. Bakı: 2012, "MBM" nəşriyyatı, 184 səh.
12. Azerbaycandan hikayeler.İstanbul: 2012,"Gökyüzü", Yayınları, 232 səh.
13. Şəftəli qoxusu. Tehran: 2012, "Xudafərin", 204 səh.