Zaur Tağızadə

Zaur Qubad oğlu Tağızadə (21 fevral 1979[1][2], SSRİ) — Azərbaycan futbolçusu. Mövqeyi yarımmüdafiəçi olub. Karyerası ərzində İslandiyanın Akranes, Estoniyanın Lelle, Flora Tallin və Azərbaycanın Kür-Nur Mingəçevir, Şəfa, MOİK, Neftçi klublarının və Azərbaycan milli futbol komandasının heyətində oynayıb. Millinin heyətində 40 oyuna çıxıb və 6 qol vurub.

Zaur Tağızadə
Ümumi məlumatlar
Doğum tarixi 21 fevral 1979(1979-02-21)[1][2] (45 yaş)
Doğum yeri
Vətəndaşlığı
Boyu 176 sm
Çəkisi 77 kq
Mövqeyi yarımmüdafiəçi
Klub haqqında məlumat
Klub Azərbaycan Qarabağ
Vəzifəsi Seleksiyaçı məşqçi
Karyerası
Gənclik karyerası
Azərbaycan Neftçi Bakı
Klub karyerası[* 1]
1994–1995 Azərbaycan Kür-Nur Mingəçevir 10 (4)
1997 Estoniya Lelle Pyarnu 6 (2)
1998 İslandiya Akranes 3 (1)
1998–1999 Azərbaycan Şəfa Bakı 16 (2)
1998–1999 Estoniya Flora Tallin 9 (4)
1999–2000 Azərbaycan MOİK Bakı 10 (1)
2000–2004 Azərbaycan Şəfa Bak 100 (17)
2004–2010 Azərbaycan Neftçi Bakı 132 (31)
Milli yığma[* 2]
1997–2007 Azərbaycan Azərbaycan 40 (6)
Məşqçisi olduğu klublar
2010–2011 Azərbaycan Neftçi Bakı (əvəzedici) (məşqçi)
2011–h.h. Azərbaycan Qarabağ (seleksiyaçı məşqçi)
  1. ↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarın loqosu Vikianbarda əlaqəli mediafayllar

Futbolçu karyerası

[redaktə | mənbəni redaktə et]

Zaur Tağızadə karyerasına 1994–1995 mövsümündə Kür-Nur Mingəçevir klubunda başlayıb. Burada 10 oyuna 4 qol vurub. 1997-ci ildə Estoniyanın Lelle klubuna keçən Zaur burada cəmi 6 oyun keçirib və 2 qol vurub. 1998-ci ildə İslandiyanın Akranes komandasının şərəfini qoruyub, 3 oyunda meydana çıxıb, 1 qol vurub. 1998–1999 mövsümündə ölkəyə qayıdan futbolçu Şəfanın formasını geyinib və 16 oyunda meydana çıxaraq 4 qol qol vurub.[3] Tağızadə 1999-cu ildə yenidən ölkə xaricinə üz tutub və bu dəfə Estoniyanın Flora Tallin klubu ilə anlaşıb. Flora Tallin klubunda Zaur 9 oyun oynayıb və 1 qol vurub, lakin 1999-cu ildə növbəti dəfə Azərbaycana qayıdaraq, bir il MOİK-in formasını geyinib, burada 10 oyuna 2 qol vurub. 2000–2004-cü illərdə Şəfada oynayıb və burada 100 oyun keçirərək 17 qol vurub.[3]

Neftçi

[redaktə | mənbəni redaktə et]

2004-cü ildən Neftçidə çıxış edib. 26 iyul 2008-ci ildə UEFA İntertoto Kubokunda Vasluy ilə qarşılaşmadan sonra 217 gün meydana çıxmayıb. 1 mart 2009-cu ildə Qəbələ ilə oyunda bu seriyanı qırıb.[4] Həmçinin Zaur Tağızadə 23 fevral 2008-ci ildə Gənclərbirliyi komandasına qol vurduqdan sonra 414 gün qol vura bilməyib, bu seriyanı 2009-cu ilin aprel ayında Xəzər-Lənkəranla oyunda qırıb.[5] Neftçi klubunda 132 oyuna 31 qol vurub.

2010-cu ildə Neftçi futbol klubunun heyətindən kənarlaşdırılan Zaur Tağızadə karyerasını bitirmək qərarına gəlib.[3] 2011-ci il mayın 19-da Bakıda keçirilən Neftçi- Xəzər Lənkəran qarşılaşmasından əvvəl Neftçi klubu Zaur Tağızadənin futbolla vidalaşmaq tədbiri təşkil edəcəkdi.[6] Lakin Zaur Tağızadə ölkədə olmadığı üçün bu tədbir baş tutmadı.[7]

Milli komanda karyerası

[redaktə | mənbəni redaktə et]

Zaur ilk dəfə 1997-ci ildən Azərbaycan milli futbol komandasına dəvət alıb. Millidə debütünü 4 iyun 1997-ci ildə yoldaşlıq görüşündə Estoniya yığmasına qarşı keçirilən oyunda edib.[8] İlk qolunu isə UEFA Avropa Kuboku 2000 seçmə mərhələsində 5 iyun 1999-cu ildə Lixtenşteynin qapısından keçirib.[8] Yığma formasında 40 dəfə meydana çıxan sağ cinah oyunçusu 6 qola imza atıb. Futbolçu milli komandada 2811 dəqiqə meydanda olub, 8 sarı, 1 qırmızı vərəqə qalıb.[9] 2009-cu ildə öz istəyi ilə milli komanda karyerasını başa vurub.[10]

# Tarix Yer Rəqib Hesab Nəticə Yarış
1 5 iyun 1999 Tofiq Bəhramov adına Respublika Stadionu, Bakı, Azərbaycan Lixtenşteyn Lixtenşteyn 3-0 4–0 UEFA Avropa Kuboku 2000 seçmə mərhələ
2 18 avqust 1999 Dinamo Səmərqənd Stadionu, Səmərqənd, Özbəkistan Özbəkistan Özbəkistan 3-1 5–1 Yoldaşlıq görüşü
3 4 sentyabr 1999 Tofiq Bəhramov adına Respublika Stadionu, Bakı, Azərbaycan Portuqaliya Portuqaliya 1-0 1–1 UEFA Avropa Kuboku 2000 seçmə mərhələ
4 26 fevral 1999 Milli İdman Bazası İdman Sarayı, Varna, Bolqarıstan Belarus Belarus 1-0 1–0 Yoldaşlıq görüşü
5 6 iyun 2001 Tofiq Bəhramov adına Respublika Stadionu, Bakı, Azərbaycan Slovakiya Slovakiya 2-0 2–0 Futbol üzrə dünya çempionatı 2002 seçmə mərhələ
6 17 avqust 2005 Kemal Stafa stadionu, Tirana, Albaniya Albaniya Albaniya 0-1 2–1 Yoldaşlıq görüşü

Məşqçi karyerası

[redaktə | mənbəni redaktə et]

Futbol karyerasını başa catdırdıqdan sonra Zaur Neftçi Bakı klubundan məşqçi köməkçisi kimi çalışmaq təklifini aldı, lakin Zaur bu iş üçün gənc olduğunu, lakin bir neçə ildən sonra məşqçi ola biləcəyini deyib. 2010-cu ildə Neftçinin əvəzedici heyətinin məşqçisi təyin olunub.[11] 2011-ci ildə Qurban Qurbanovun istəyi ilə "Qarabağ" klubuna keçib,[7] Zaur Tağızadə burada seleksiyaçı məşqçi funksiyasını yerinə yetirir.[12]

Uğurları

[redaktə | mənbəni redaktə et]
Azərbaycan Neftçi Bakı

Şəxsi

[redaktə | mənbəni redaktə et]

İstinadlar

[redaktə | mənbəni redaktə et]
  1. ↑ 1 2 Zaur Tagizade // Transfermarkt (çd.). 2000.
  2. ↑ 1 2 Zaur Tagizade // FBref.com (çd.).
  3. ↑ 1 2 3 "Zaur Tağızadə karyerasını bitirdi". 2017-07-03 tarixində arxivləşdirilib. İstifadə tarixi: 2013-10-24.
  4. ↑ "Messnerin cəzalandırdığı Tağızadə 294 gün gözlədi". 2020-08-11 tarixində arxivləşdirilib. İstifadə tarixi: 2013-10-24.
  5. ↑ "Zaur Tağızadə neçə gündən sonra qol vurdu?". 2020-08-11 tarixində arxivləşdirilib. İstifadə tarixi: 2013-10-24.
  6. ↑ "Zaur Tağızadə böyük futbolla "böyük oyun"da vidalaşacaq". 2016-03-05 tarixində arxivləşdirilib. İstifadə tarixi: 2013-10-24.
  7. ↑ 1 2 "Zaur Tağızadə "Qarabağ"da". 2011-05-28 tarixində arxivləşdirilib. İstifadə tarixi: 2013-10-24.
  8. ↑ 1 2 "Zaur Tağızadə - eu-football.info". 2022-10-03 tarixində arxivləşdirilib. İstifadə tarixi: 2013-10-24.
  9. ↑ Milli komanda-20: Bütün futbolçular [ölü keçid]
  10. ↑ "Zaur Tağızadə milli komandadakı karyerasını başa vurdu". 2016-03-05 tarixində arxivləşdirilib. İstifadə tarixi: 2013-10-24.
  11. ↑ "Zaur Tağızadə "Neftçi"nin məşqçisi təyin olundu". 2016-03-05 tarixində arxivləşdirilib. İstifadə tarixi: 2013-10-24.
  12. ↑ "«Qarabağ»dan Zaur Tağızadə açıqlaması". 2016-03-05 tarixində arxivləşdirilib. İstifadə tarixi: 2013-10-24.

Xarici keçidlər

[redaktə | mənbəni redaktə et]