Bhaktapur

Bhaktapur, Bhadqaon — Nepalın mərkəzində, Baqmati ançolunda şəhər.^[2]

şəhər
Bhaktapur
ing. Bhaktapur
27°40′20″ şm. e. 85°25′40″ ş. u.HGYO
Ölkə	Nepal
Tabesində	Baqmati
Region	Bhaktapur
Tarixi və coğrafiyası
Əsası qoyulub	1953
Sahəsi	6.89 km²
Mərkəzin hündürlüyü	1.401 m[1]
Saat qurşağı	UTC+05:45
Əhalisi
Əhalisi	81,728 nəfər (2011)
Sıxlığı	12,000 nəf./km²
Rəqəmsal identifikatorlar
Poçt indeksi	44800
Digər
bhaktapur.com
Xəritəni göstər/gizlə Bhaktapur
Vikianbarda əlaqəli mediafayllar

Əhalisi 77,9 min (2006).^[2]

Katmandu vadisində (təqribən 1400 m yüksəklikdə), Hindistanla Tibet arasındakı qədim ticarət yolu üzərindədir.^[2]

Şəhər 9-cu əsrdə kral Anand Malla tərəfindən salınmışdır.^[2]

Bhaktapurun mərkəzindəki Dərbar meydanında kərpicdən tikilmiş və oyma taxta detallarla bəzədilmiş üçmərtəbəli “55 pəncərəli saray” (Malla sülaləsi krallarının keçmiş iqamətgahı; inşasına 1427-ci ildə başlanılmış, 1697-ci ildə yenidən tikilmişdir); kral Bhupatindra Mallanın heykəli ilə birlikdə daş sütun (18-ci əsr; hündürlüyü 10 m) və kvadrat formalı pilləli kürsülük üzərində Batsal Devi məbədi (16–18-ci əsrlər; 1-ci mərtəbəsində sıra sütunlar vardır); Taumadhi meydanın da kərpicdən və taxtadan tikilmiş Nyatapola (Bhavani) məbədi (1700–08; hündürlüyü təqribən 45 m) yerləşir. Milli incəsənət qalereyası (orta əsrlərə dair Nepal rəngkarlığı və heykəltəraşlığı), Bürünc və tunc məmulatları muzeyi, Sanskrit əlyazmaları müzeyi fəaliyyət göstərir.^[2]

Kənd təsərrüfatı xammalı emal olunur. Kustar sənətkarlıq (dulusçuluq məmulatı, pambıq parça istehsalı, ağac üzərində oyma, zərgərlik və s.) inkişaf etmişdir. Bhaktapur kənd təsərrüfatı (taxıl, tərəvəz, meyvə) rayonunun ticarət mərkəzidir. Kərpic zavodu var.^[2]

• Katmandu

• Bhaktapur şəhərinin 1920-ci illərə aid qədim şəkilləri