Blua
Blua (fr. Blois) — Fransada şəhər. Luar və Şer departamentinin inzibati mərkəzi.[2]
| şəhər | |||
| Blua | |||
|---|---|---|---|
| fr. Blois | |||
 | |||
|
|||
| 47°35′35″ şm. e. 1°19′38″ ş. u. | |||
| Ölkə |
 Fransa |
||
| Region | [[Mərkəz - Luara vadisi]] | ||
| Tarixi və coğrafiyası | |||
| Sahəsi | 37.46 km² | ||
| Mərkəzin hündürlüyü | 63–135 m | ||
| Saat qurşağı | |||
| Əhalisi | |||
| Əhalisi | 45,903 nəfər (2012) | ||
| Sıxlığı | 1,200 nəf./km² | ||
| Rəqəmsal identifikatorlar | |||
| Poçt indeksi | 41000[1] | ||
| Digər | |||
| blois.fr | |||
|
| |||
 Vikianbarda əlaqəli mediafayllar | |||
Əhalisi
[redaktə | mənbəni redaktə et]Əhalisi 49, 6 min (2005) nəfərdir. Luara çayının sahilindədir.[2]
Tarixi
[redaktə | mənbəni redaktə et]Blua 6-cı əsrdən məlumdur. 9-cu əsr – 13-cü əsrin əvvəllərində Şampan qraflığı ilə sülalə ittifaqında və uzunmüddətli uniyada olan və Fransa krallarına qarşı mübarizə aparan güclü qraflığın mərkəzi idi. 1391-ci ildən Valua sülaləsinin Orlean qolu şahzadələrinin mülkiyyətində, 1498-ci ildən kral domeninin tərkibində olmuşdur. 16-cı əsrdə Bluada Fransa krallarının daimi iqamətgahı yerləşirdi. 1576–77-ci və 1588–89-cu illərdə Baş ştatlar Bluada toplanmışdı.[2]
Memarlığı
[redaktə | mənbəni redaktə et]Təpə üzərində müxtəlif dövrlərə aid tikililərdən [dairəvi bürc (Tur-de-Fua, 1440–50); Baş ştatlar zalı (13-cü əsrin əvvəlləri); Orleanlı Karl qanadı (1440–50); son neoqotik üslubda XII Lüdovik qanadı (1495–1508); renessans üslubunda I Fransisk qanadı (1515–24, memarlar J. Surdo və Domeniko da Kortona); klassisizm üslubunda 3 mərtəbəli Orleanlı Qaston korpusu (1635–38, memar F. Mansar)] ibarət kom pleks olan qəsr (9-cu əsrdən məlumdur) yerləşir. 10–17-ci əsrlərə aid kilsələr, Yepiskop sarayı (18-ci əsrin əvvəli, indi Ratuşa), Luara üzərində körpü (hər ikisinin memarı J.A. Qabriel), 16–18-ci əsrlərə aid çoxsaylı mülklər var. Luara qəsrləri tərkibində Blua Ümumdünya irsi siyahısına daxil edilmişdir.[2]
Sənayesi
[redaktə | mənbəni redaktə et]Kənd təsərürfatı rayonunun (dənli bitkilər,üzümçülük, tərəvəzçilik) mərkəzidir. Elektrotexnika, gön-dəri sənayesi, maşınqayırma müəssisələri var; şokolad istehsal olunur. Turizm inkişaf etmişdir.[2]
Qalereya
[redaktə | mənbəni redaktə et]-
Blua şəhərində Luara çayı üzərində körpü -
Blua qəsri -
Blua qəsri (qərbdən görünüşü)
Həmçinin bax
[redaktə | mənbəni redaktə et]İstinadlar
[redaktə | mənbəni redaktə et]- ↑ Base officielle des codes postaux. La Poste, 2018.
- ↑ 1 2 3 4 5 Azərbaycan Milli Ensiklopediyası (25 cilddə). 4-cü cild: Bəzirxana – Brünel (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2013. səh. 205. ISBN 978-9952-441-03-1.