Dayana Ter-Hovanesyan

Dayana Ter-Hovanesyan (ing. Diana Der Hovanessian; 21 may 1934, Vuster[d], Massaçusets – 1 mart 2018[1], Kembric, Massaçusets) ― erməni əsilli ABŞ şairi, tərcüməçisi və yazıçısı. Onun şeirlərinin əksəriyyəti Ermənistana və erməni diasporuna həsr olunmuşdur. O, iyirmi beşdən çox kitab müəllifidir.

Dayana Ter-Hovanesyan
ing. Diana Der Hovanessian
Doğum tarixi 21 may 1934(1934-05-21)
Doğum yeri
Vəfat tarixi 1 mart 2018(2018-03-01)[1] (83 yaşında)
Vəfat yeri
Vətəndaşlığı
Təhsili
Fəaliyyəti şairə, tərcüməçi, yazıçı
Janr poeziya
İmza
dianaderhovanessian.com

Həyatı və karyerası[redaktə | mənbəni redaktə et]

Dayana Ter-Hovanesyan Massaçusets ştatının Vuster şəhərində yaşayan erməni ailəsində anadan olub.[2] O, ingilis dili ixtisası üzrə Boston Universitetində təhsil almışdır və daha sonra təhsilini Harvard Universitetində davam etdirdi, tanınmış ABŞ şairi Robert Louell orada onun müəllimlərindən biri idi..[3] O, İrəvan Dövlət Universitetində Amerika ədəbiyyatı üzrə professor, iki dəfə isə erməni poeziyası üzrə Fulbrayt qrantı proqramı üzrə professor dərəcəsini almışdır. Boston Universiteti, Bard Kolleci və Kolumbiya Universiteti də daxil olmaqla bir çox təhsil müəssisələrində seminarlar aparmışdır və həmçinin qonaq şair və Amerika poeziyası, tərcümədə erməni poeziyası və Amerika Birləşmiş Ştatları və xarici ölkələrdə insan hüquqları ədəbiyyatı mövzuları üzrə mühazirəçi olmuşdur.[4] Otuz ildən çox müddət ərzində o, Yeni İngiltərə poeziya klubunun (ing. New England Poetry Club) prezidenti vəzifəsində çalışmış[5] və Kolumbiya Universitetinin tərcüməçilər şurasının üzvü olmuşdur.[6] O, bir neçə Massaçusetts məktəblərində şair olaraq çalışırdı.[7]

Şeirlərinin üç cildi erməni dilinə tərcümə edilərək İrəvanda nəşr edilmişdir. Bundan başqa, onun əsərləri yunan, fransız və rumın dillərinə tərcümə edilmişdir.[8] Ter-Hovanesyanın şeirləri "The New York Times", "Christian Science Monitor", "The Boston Globe", "Paris Review", "Writer's Almanac", "AGNI", "American Poetry Review" və "The Nation" kimi jurnallarda dərc olunmuşdur.

Biblioqrafiyasının bir hissəsi[redaktə | mənbəni redaktə et]

  • "How to choose your past" (1978) ― "Keçmişini necə seçməli"
  • "Come sit beside me and listen to Kouchag: Medieval Poems of Nahabed Kouchag" (1984) ― "Gəl yanımda otur və Kuçağı dinlə: Nahabed Kuçağın orta əsr şeirləri"
  • "About time: poems" (1987) ― "Zaman haqqında: şeirlər"
  • "Songs of bread, songs of salt" (1990) ― "Çörək nəğmələri, duz nəğmələri"
  • "Selected Poems" (1994) ― "Seçilmiş şeirlər"
  • "The Circle Dancers" (1996) ― "Dairə rəqqasları"
  • "Any Day Now : poems" (1999) ― "İstənilən gün: şeirlər"
  • "The Burning Glass : poems" (2002) ― "Yanan Şüşə: şeirlər"
  • "The Other Voice: Armenian Women's Poetry Through the Ages" (2005) ― "Digər bir səs: əsrlər boyu erməni qadın poeziyası"
  • "The Second Question : poems" (2007) ― "İkinci sual: şeirlər"
  • "Dancing at the monastery : poems" (2011) ― "Manastırda rəqs: şeirlər"

İstinadlar[redaktə | mənbəni redaktə et]

  1. ↑ 1 2 https://mirrorspectator.com/2018/03/02/poet-diana-der-hovanessian-passed-away/.
  2. ↑ Kherdian, David. Forgotten bread: first-generation Armenian American writers. Heyday Books. 2007. səh. 269. 2016-05-04 tarixində arxivləşdirilib. İstifadə tarixi: 2021-05-16.
  3. ↑ Bouvard, Marguerite Guzman. Landscape and exile. Rowan Tree Press. 1985. səh. 164. 2016-05-02 tarixində arxivləşdirilib. İstifadə tarixi: 2021-05-16.
  4. ↑ "DIANA DER-HOVANESSIAN's Obituary on Boston Globe". Boston Globe. 2018-06-26 tarixində arxivləşdirilib. İstifadə tarixi: 2018-05-03.
  5. ↑ "Arxivlənmiş surət". 2018-06-15 tarixində arxivləşdirilib. İstifadə tarixi: 2021-05-16.
  6. ↑ "DIANA DER-HOVANESSIAN's Obituary on Boston Globe". Boston Globe. 2018-06-26 tarixində arxivləşdirilib. İstifadə tarixi: 2018-05-02.
  7. ↑ Mirror-Spectator, The Armenian. "Poet Diana Der-Hovanessian Passed Away - The Armenian Mirror-Spectator". The Armenian Mirror-Spectator (ingilis). 2018-03-02. 2018-03-04 tarixində arxivləşdirilib. İstifadə tarixi: 2018-05-03.
  8. ↑ Hairenik. "Diana Der Hovanessian: Dispensing Grace". The Armenian Weekly (ingilis). 2018-03-02. 2018-03-03 tarixində arxivləşdirilib. İstifadə tarixi: 2018-05-03.

Xarici keçidlər[redaktə | mənbəni redaktə et]

"Mən demək olar ki, hər gün yazıram" (Ter-Hovanesyanla intrevyu)  (ing.)