Emiliya Klark

Emiliya Klark (ing. Emilia Isobel Euphemia Rose Clarke (23 oktyabr 1986^[1], London, İngiltərə) — Britaniyalı televiziya və kino aktrisası. O, daha çox "Game of Thrones" filmindəki Daenerys Targaryen obrazı ilə tanınır. O, "Empire Mükafatı", "Saturn Mükafatı", üç "Tənqidçinin Seçimi Mükafatı" nominasiyası və dörd "Primetime Emmi Mükafatı"" nominasiyası daxil olmaqla müxtəlif mükafatlar alıb. 2019-cu ildə Time jurnalı onu dünyanın 100 ən nüfuzlu adamından biri adlandırıb.

Emiliya Klark
Doğum adı	Emilia Isobel Euphemia Rose Clarke[2]
Doğum tarixi	23 oktyabr 1986(1986-10-23)[1] (37 yaş)
Doğum yeri	London, İngiltərə
Vətəndaşlığı	Birləşmiş Krallıq
Fəaliyyəti	aktrisa, teatr aktrisası, kino aktrisası, televiziya aktrisası
Fəaliyyət illəri	2007-ci ildən
Təhsili	London Dram Mərkəzi[d] (–2009), St Edward's School[d]
Mükafatları
IMDb	ID3592338
Vikianbarda əlaqəli mediafayllar

Emiliya Klark, İngiltərənin London şəhrəində doğulub və Oxfordshire-da büyüyüb. Atası teatrda səs mühəndisi, anası iş adamıdır. Qardaşı isə universitetdə siyasət üzrə təhsil alır. Klarkın oyunculuğa marağı, hələ üç yaşındaykən atasının işlədiyi teatrda Show Boat-ı izlədikdən sonra başladı. İlk olaraq Oxford St. Edward Məktəbini, ardından Rye St. Antony Liseyini bitirdi. 2009-cu ildə Drama Centre London Universitetindən məzun oldu.

Klark Londonun İslinqton səmtində yaşayır. O, həmçinin Los-Ancelesin Venice Beach məhəlləsində 2016-cı ildə aldığı və 2020-ci ilin dekabrında satdığı bir evə sahib idi. 2013-cü ildə Allure ilə müsahibəsində Klark anasının böyüdüyü zaman onun üçün qaydaları olduğunu söylədi: "Narkotik qəbul etmə, cinsi əlaqədə olma və qaşlarına toxunma". O, uşaq ikən "gülünc qaşlara sahib olduğu" üçün zorbalığa məruz qaldığını bildirib. "Taxt Oyunları" serialının son mövsümünün çəkilişlərindən sonra Klark Daenerys Targaryen roluna hörmət olaraq, serialda uçan əjdaha üçlüyünü əks etdirən bilək döyməsi etdirib.

Aktyorluq fəaliyyətinin ilk illərində bir çox irili-xırdalı layihələrdə iştirak edib. Televiziyadakı ilk rolu 2010-cu ildə nümayiş olunan Trias Hücumu (Triassic attack) filmindəki "Savannah" obrazı ilə olub. Bu filmdən sonra Screen International jurnalı onu gələcək Britaniya ulduzu "UK Stars Of Tomorrow" kimi qiymətləndirdi.

2010-cu ildə George R. R. Martinin "A Song of Ice and Fire" kitabına əsaslanan HBO-da yayımlanan "Taxt Oyunları" serialında Daenerys Targaryen rolunda çıxış edib. Serialda Daenerys Targaryen obrazı üçün Tamzin Merchant düşünülürdü. O, serialın kastinqində Tamzin Merchant-ın ehtiyat oyunçusu olsa da, məlum olmayan səbəblərdən bu aktyorun yerinə çəkilməyə başlayıb. Aldığı müsbət rəylər sayəsində serialın ikinci sezonunda da yer alır. Klark 2011-ci ildə Daenerys Targaryen roluna görə "Entertainment weekly"-da dramda Ən Yaxşı Köməkçi Aktrisa üçün EWwy Mükafatını qazandı. 2017-ci ildə o, "Taxt Oyunları" serialının bir epizodu üçün 1,2–2 milyon funt sterlinq qazanaraq televiziyada ən çox qazanan aktyorlardan biri oldu.^[3] O, 2016-cı ildə çəkilmiş "Səndən əvvəl mən" filmində baş rolu Sam Claflinlə paylaşıb. Emiliya, yaşamın incə detallarına toxunulan bu filmdə, rəngli və fərqli paltar və ayaqqabılar geyinən Louisa Clark rolunu canlandırıb.

Əsas məqalə: Emiliya Klarkın namizəd olduğu və qazandığı mükafatların siyahısı

Vikianbarda Emiliya Klark ilə əlaqəli mediafayllar var.