FRİTL
Fizika-riyaziyyat və informatika təmayüllü lisey (FRİTL) — Bakıda lisey.
| Fizika, riyaziyyat və informatika təmayüllü Respublika liseyi | |
|---|---|
 | |
| Əsası qoyulub | 1964 |
| Direktor | Tariyel Talıbov |
| Şəhər |
 Bakı |
| Ölkə | |
| Ünvan | Yasamal rayonu, Əhməd Cəmil küçəsi 3 |
| Tabeliyində | Azərbaycan Respublikası Elm və Təhsil Nazirliyi |
| Sayt | istedad.edu.az/fritl/ |
 Vikianbarda əlaqəli mediafayllar | |
Tarixi
[redaktə | mənbəni redaktə et]İstedadlı uşaqların seçilməsi üçün keçmiş Sovet İttifaqında SSRİ Maarif Nazirliyinin qərarı ilə internat məktəblər təşkil edilmişdir. Onların yaradılmasında Azərbaycanın ayrı-ayrı rayonlarından istedadlı uşaqları müsabiqə yolu ilə qəbul etmək, dövlət hesabına yataqxana və yeməkxana ilə təmin etmək, əsas fənlərdən dərinləşdirilmiş proqramla dərslər keçirmək əsas məqsəd kimi qarşıya qoyulmuşdur. 1964-cü ildə 1 nömrəli internat məktəbin bazasında 1 nömrəli Fizika-Riyaziyyat və Kimya-Biologiya təmayüllü internat məktəbi yaradılmışdır.
1969-cu ildə kimya-biologiya bu bazadan ayrılmış, 5 nömrəli kimya-biologiya təmayüllü internat məktəbi kimi fəaliyyət göstərməyə başlamışdır. Bu bazada isə 1 nömrəli Fizika-Riyaziyyat təmayüllü internat məktəbi fəaliyyətini davam etdirmişdir. Nazirlər Kabinetinin 2 noyabr 1991-ci il tarixli 472 nömrəli əmrinə əsasən məktəbin adı dəyişdirilib, Respublika Fizika-Riyaziyyat və İnformatika təmayüllü (internat tipli) lisey adlandırılmışdır və hal hazırda lisey bu adla fəaliyyət göstərir.
Haqqında
[redaktə | mənbəni redaktə et]Hazırda Liseydə 600 şagird təhsil alır. Onlardan 300 nəfəri dövlət hesabına yataqxanada qalır. Təhsil ocağına qəbul 7-ci, 8-ci və 9-cu siniflərdən aparılır. Bu təhsil ocağı fəaliyyət göstərdiyi müddətdə uğurlu nəticələr əldə edib. Təhsil ocağının məzunları arasında 300-dən çox elmlər namizədi, 30-a yaxın elmlər doktoru var[1].
Liseyin binasi bir tipli layihə üzrə tikilmişdir, 700 yerlikdir, 33 sinif otağı vardır. Tədris məşğələləri bir növbəlidir. Lisey 4 mərtəbəli tədris korpusundan, 3 mərtəbəli 280 yerlik yataqxana korpusundan , 200 yerlik akt zalı, idman zalı, yeməkxana, kitabxanadan (həmçinin oxu zalından) ibarətdir. Liseyin özünün qazanxana və istilik sistemi var. Liseydə 38 sinif otağı, o cümlədən 15 riyaziyyat, 5 fizika, 4 ədəbiyyat, 3 tarix, 1 coğrafiya, 1 kimya, 1 biologiya , 1 rus dili, 1 hərbi və 2 kompüter kabineti fəaliyyət göstərir.
Hazırda şagirdlərin təlim tərbiyəsi ilə 96 nəfər müəllim və tərbiyəçi məşğul olur. Liseyin direktoru Tariyel Talıbovdur. Liseydə " şagird elmi cəmiyyəti" də fəaliyyət göstərir. Şagirdlər ŞEC-də kiçik elmi tədqiqat işləri aparırlar.
Azərbaycan Respublikasının Prezidenti İlham Əliyev 3 sentyabr 2015-ci ildə paytaxtın Yasamal rayonundakı Fizika, Riyaziyyat və İnformatika Təmayüllü Liseyin binasında təmir və yenidənqurma işlərindən sonra yaradılan şəraitlə tanış olub[1].
Məzunları
[redaktə | mənbəni redaktə et]Hazırda həm Azərbaycanda, həm də onun hüdudlarından kənarda lisey məzunlarından 200-ə yaxını elmlər namizədi, 40-dan çox elmlər doktoru və professoru vardır.
- İlqar Məmmədov— Riyaziyyat üzrə elmlər doktoru, AMEA-nın professoru, laboratoriya rəhbəri
- Heydər Piriyev — Azərbaycan Respublikası Silahlı Qüvvələrinin Hərbi Akademiyasının rəisi, general-leytenant
- Akif Yusifov — Azərbaycan Respublikası Xüsusi Dövlət Mühafizə Xidməti rəisinin müavini — Milli Qvardiyanın Komandanı əvəzi
- Mustafa Babanlı — Azərbaycan Dövlət Neft və Sənaye Universitetinin rektoru
- Vidadi Süleymanov — Akademik Zərifə Əliyeva adına Bərdə şəhər Texniki Liseyinin direktoru
- Məhəmməd Babayev — fizika-riyaziyyat elmləri doktoru
- Qubad İbadoğlu — iqtisadiyyat üzrə fəlsəfə doktoru
- Vüqar Bayramov — iqtisadçı alim, Milli Məclisin deputatı
- İbrahim Nəbiyev — riyaziyyat üzrə elmlər doktoru, BDU-nun professoru
- Elxan Elatlı — Yazıçı, Azərbaycan Yazıçılar Birliyinin üzvü, "Qızıl Qələm" mükafatı laureatı
- Emin Əmrullayev — Azərbaycan Respublikasının 5-ci Təhsil Naziri
- Elçin Haciyev - Rusiya Milli Qvardiyasının baş polisi
- İman Əsgərzadə — fizika-riyaziyyat elmləri doktoru, Ankara Universitetinin professoru
İstinadlar
[redaktə | mənbəni redaktə et]- ↑ 1 2 "Arxivlənmiş surət". 2017-10-14 tarixində arxivləşdirilib. İstifadə tarixi: 2015-09-03.
Xarici keçidlər
[redaktə | mənbəni redaktə et]