Jurnalistlərin Həmkarlar İttifaqı

Bu məqalənin ensiklopedik tələblərə cavab vermədiyinə dair şübhələr var. Lütfən, ensiklopedikliyi təsdiq etmək üçün məqalənin mövzusuna uyğun tərəfsiz, etibarlı mənbələr əlavə edin. Əgər belə mənbələr göstərilməzsə, məqalə birləşdirilə, köçürülə, yönləndirilə və ya silinə bilər.

Bu məqalədə heç bir məlumatın mənbəsi göstərilməmişdir. Lütfən, etibarlı mənbələr əlavə etməklə məqaləni təkmilləşdirməyə kömək edin. Qərəz yaradan mənbəsiz hissələr müzakirəsiz silinə bilər.

Bu məqalənin neytrallığı şübhə doğurur. Məqalədə tərəf tutma və ya pisləmək məqsədi daşıyan və doğruluğu sübut edilməyən fikirlərin olduğu iddia edilir. Xahiş olunur, bu məsələ ilə əlaqədar müzakirələrdə iştirak edəsiniz.

Bu məqalə və ya bölmə reklam xarakteri daşıyır. Mətnin yazı üslubunu dəyişərək layihəyə kömək edə bilərsiniz.

Jurnalistlərin Həmkarlar İttifaqı və ya qısaca JuHİ — Azərbaycan jurnalistlərinin həmkarlar ittifaqı təşkilatıdır. 1997-ci ildə bir qrup peşəkar jurnalistlər tərəfindən yaradılmışdır. Hal-hazırda müxtəlif beynəlxalq təşkilatların, Beynəlxalq Jurnalistlər Federasiyası, IFEX, Türkiyə Qəzetəçilər Federasiyasının üzvüdür.

Təşkilat 28 mart 2000-ci il tarixində rəsmi dövlət qeydiyyatından keçmişdir və hal-hazırda 270 nəfərə yaxın fəal jurnalistlərin səyi ilə fəaliyyət göstərir, beynəlxalq jurnalist qurumları ilə sıx əlaqə saxlayır.

Təşkilatın sədri Müşfiq Ələsgərlidir.

JuHİ-nin əsas məqsədi kütləvi informasiya vasitələrində fəaliyyət göstərən jurnalistlərin, media ştatının sosial, iqtisadi və əmək hüquqlarını qorumaqdır.

Bundan əlavə təşkilat Azərbaycanda söz və mətbuat azadlığının qorunması, inkişaf etdirilməsi yönündə fəaliyyət göstərir; buna nail olmaq üçün qurum müxtəlif seminarlar, konfranslar keçirir, lazım olduğu zaman proseslərə müdaxilə edir; rüblük və illik hesabatlar hazırlayıb yaymaqla ölkədə jurnalistlərin və söz azadlığının durumuna dair ictimai rəyi formalaşdırır.

JuHİ məqsədinə çatmaq üçün istər hökumət, istərsə də qeyri-hökumət qurumları ilə iş birliyi edir.

Təşkilat 1998-ci ildən etibarən Azərbaycandakı ABŞ və Britaniya səfirliyinin, Açıq Cəmiyyət İnstitutu-Yardım Fondunun (Soros Fondu), “Avrasiya” Fondunun, Azərbaycan QHT Şurasının və KİVDF-nin maliyyə yardımı ilə 20-yə yaxın layihə həyata keçirərək Azərbaycanda söz azadlığının inkişafına ciddi töhfələr verib.

2010-cu ilin fevral ayından etibarən JuHİ Beynəlxalq Jurnalistlər Federasiyasının təşkilati dəstəyi, Avropa Komissiyasının maliyyə yardımı ilə qlobal media təşəbbüsü olan "Etik Jurnalistika Təşəbbüsləri" layihəsini Azərbaycanda reallaşdırır.

JuHİ söz və mətbuat azadlığının təmin olunması istiqamətində işini üç nüfuzlu beynəlxalq jurnalist təşkilatı ilə qurmuşdur:

• Beynəlxalq Jurnalistlər Federasiyası (IFJ.org), baş qərargahı Brüsseldə yerləşir, tərkibində 600 000-dən çox jurnalisti birləşdirir;
• Beynəlxalq Söz Azadlığı Mübadiləsi Şəbəkəsi (IFEX.org), mərkəzi ofisi Torontoda (Kanada) yerləşir, tərkibində Söz azadlığının müdafiəsi sahəsində fəaliyyət göstərən 90-dan çox nüfuzlu beynəlxalq jurnalist, hüquq müdafiəsi təşkilatlarını birləşdirir.
• Türkiyə Qəzetəçilər Federasiyası.

JuHİ hal-hazırda daxili strukturlarını möhkəmləndirmək, regionlarda ilk təşkilatlar qurmaq, həmçinin, azad, müstəqil həmkarlar ittifaqı quruculuğu sahəsində təcrübəni, məlumatları yaymaqla məşğuldur.

Təşkilat Azərbaycan Mətbuat Şurasının qurucu üzvlərindəndir. JuHİ sədri Müşfiq Ələsgərli hal-hazırda Mətbuat Şurası (MŞ) İdarə Heyətinin üzvü, MŞ sədrinin müavinidir. Bundan əlavə JuHİ sədri Azərbaycan Prezidenti yanında Kütləvi İnformasiya Vasitələrinə Dövlət Dəstəyi Fondununun (KİVDF) Müşahidə Şurasında təmsil olunur.

JuHİ ölkə daxilində öz fəaliyyətini aşağıdakı QHT-lərlə vaxtaşırı işbirliyində qurur:

• "RUH" Azərbaycan Jurnalistləri Müdafiə Komitəsi
• Beynəlxalq Avrasiya Mətbuat Fondu (BAMF)
• Demokratik Jurnalistlər Liqası (DJL)
• Azərbaycan Media Mərkəzi (AMM)
• Reportyorların Azadlıq və Təhlükəsizlik İnstitutu (RATİ)
• Media Hüquqları İnstitutu
• və s.

• Həmkarlar İttifaqları
• Azərbaycan Mətbuat Şurası
• Azərbaycan Jurnalistlər Birliyi
• Medianın İnkişafı Agentliyi

• juhi.az — Rəsmi saytı
• Etik Jurnalistika Təşəbbüsləri Arxivləşdirilib 2014-12-19 at the Wayback Machine
• İFEX üzvləri Arxivləşdirilib 2019-01-06 at the Wayback Machine