Lita

Litva litası, lita (lit. litas, çox sayda litai, litų) — 1922-1940 və 1993-cü ildən Litvanın pul vahidi. 100 sentdən ibarətdir (lit. centas, çox sayda centai, centų).

ISO 4217 sistemində beynəlxalq kodu LTL.

Birinci dünya müharibəsindən sonra müstəqil Litva Respublikası ərazisində digər dövlətlərin valyutaları dövriyyədə idi.

Milli pul vahidi olan lit dövriyyəyə 2 oktyabr 1922-ci il tarixindən buraxıldı. Litva SSRİ tərkibinə qatıldıqdan sonra (1940), 25 mart 1941-ci ildən lit SSRİ rublu ilə əvəz edildi.

Lit yenidən dövriyyəyə ikinci müstəqillik dövründə, 25 iyun 1993-cü il tarixindən buraxıldı.

25 iyun 1993-cü ildən 31 yanvar 2002-ci ilədək lit ABŞ dollarına 4:1 nisbəti ilə bağlanmışdı, 1 fevral 2002-ci ildən isə avroya 3,4528:1 nisbəti ilə bağlandı. Bu nisbət Litvada avronun istifadəsinə qədər qalacaqdır.^[1]

• Litvada pullar
• Litva Bankının rəsmi saytında banknot və sikkələr Arxivləşdirilib 2012-09-19 at the Wayback Machine
• MDB və Baltikyanı ölkələrin sikkələri
• Litva əskinazlarının ensiklopediyası Arxivləşdirilib 2013-01-18 at the Wayback Machine
• Litva sikkə evinin rəsmi saytı  (ing.)

1. ↑ "De Facto Classification of Exchange Rate Regimes and Monetary Policy Frameworks". 2012-04-22 tarixində arxivləşdirilib. İstifadə tarixi: 2012-10-25.

Vikianbarda Litva litası ilə əlaqəli mediafayllar var.