Marion Kotiyar

Marion Koliyyar (fr. Marion Cotillard; 30 sentyabr 1975^[2][3][…], Paris^[4]) — fransız teatr, televiziya və kino aktrisası. 

Marion Kotiyar
fr. Marion Cotillard[1]
Doğum tarixi	30 sentyabr 1975(1975-09-30)[2][3][…] (48 yaş)
Doğum yeri	Paris, İl de Frans, Fransa metropoliyası, Fransa[4]
Vətəndaşlığı	Fransa[1]
Fəaliyyəti	aktrisa
Fəaliyyət illəri	1982-ci ildən
Mükafatları
IMDb	ID0182839
Vikianbarda əlaqəli mediafayllar

Marion Koliyyar 30 sentyabr 1975-ci ildə Parisdə doğulmuşdur. Anası teatr aktrisası, atası — Jan-Klod- teatr aktyoru, rejissor, "Kotiyyar" teatr qrupunun yaradıcısı və aktyor sənəti məktəbinin müəllimidir. Marionun özündən kiçik iki əkiz qardaşı — Kventin və Qiyom var. Kventin rəssam- heykəltəşar, Qiyom isə yazıçıdır.

Həm fransız, həm də xarici filmlərdə çəkilir. "Uzun müddətli nikah" filminə görə "ən yaxşı ikinci plan aktrisası" nominasiyasında "Sezar" mükafatına layiq görülmüşdür. 2008-ci ildə "Çəhrayı həyat" filmində yaratdığı Edit Piaf roluna görə "Ən yaxşı aktrisa" nominasiyasında "Oskar" mükafatına layiq görülmüşdür. Marion Koliyyar xarici dildə çəkilmiş filmdə oynadığı rola görə Oskara layiq görülmüş ikinci aktrisa olmuşdur. İlk belə nailiyyətə 1962-ci ildə Sofi Loren imza atmışdı. Eyni zamanda "Çəhrayı həyat" filmində oynadığı rola görə Marion Qızıl Qlobus və Britaniya kino və teleincəsənət akademiyasının BAFTA mükafatına layiq görülmüşdür.

1994-cü ildə Amerika serialı olan "Dağlı"da epizodik rolda çəkilmişdir. Bu debütündən sonra Kotiyyar kino və televiziyada rol aalmağa başladı. Böyük erkanda ilk rolu "Öpülmək istəyən oğlanın hekayəsi" filmində Matilda rolu olmuşdur. Həmin il Marion Fransanın idman institutunun tələbələrindən bəhs edən "Qırmızı hədd" serialında baş rollardan birinə çəkilmişdrir. 1996-cı ildə o "Mənim seksual həyatımın müzakirəsi" dramında və "Yaşıl gözəl" elmi-fantastik komediyasında ikinci plan rollarında çəkilmişdir. Bu cəhdlərə baxmayaq, aktrisanın karyerasında durğunluq başladı.

"Uzun müddətli nikah" 2004

1997-ci ildə "Bitmiş iş" (fr. Affaire classée) tamaşasında oynadığı rola görə nüfuzlu teatr mükafatı qazandı. Həmin vaxt o, rejissoru Jirar Pires, ssenari müəllifi Luk Besson olan Taksi filmində baş qəhrəmanın nişanlısı — Lili Bertino roluna təsdiqləndi. Bu film sayəsində Marion Kotiyyar Fransa və dünya tamaşaçılarına özünü tanıtdı və Fransanın nüfuzlu kino mükafatı olan "Sezar" mükafatına layiq görüldü. 2000 və 2003-cü illərə Marion Kotiyyar Taksi filminin davamı olan "Taksi 2" və "Taksi 3" filmlərində çəkildi. Taksi filmindən sonra Marionun aktrisa kimişöhrəti xeyli artdı ə bir-birinin ardınca təkliflər gəlməyə başladı. Ən məşhur filmləri arasında Frensis Ryosserin "Dağlarda döyüş" dramını və Pyer Qrimblatın "Liza" hərbi dramını qeyd etmək olar. 2001-ci ildə o, Jil Pake-Brennenin "Sevimli qızlar" filmində iki baş rolu birdən (əkiz bacılar Mari və Lüsi) oynamışdır. Bu rolları ifa etmək üçün Marion bir aylıq musiqi təhsili almışdır. BU filmə görə də o, "Sezar" mükafatına layiq görülmüşdür. Daha sonra o, Qiyom Niklonun "Şəxsi araşdırma" trillerində və Yan Samuelin "Cəsarətin varsa, mənə aşıq ol" romantik komediyalarında, çox həssas və romantik baş rolları məharətlə ifa etmişdir. Öz aktrisa qabiliyyətlərinə görə o, Nyuyork-Biç kinofestivalında ən yaxşı aktrisa mükafatına layiq görülmüşdür. 2003-cü ildə Marion Yen Makqreqor, Albert Finni, Heleni Karter, Denni De Vito, Stiv Buşemi və Cessiki Lenqdən ibarət çox ciddi aktyor heyəti ilə birlikdə, rejissor Tim Bertonun "İri balıq" filmində baş qəhrəmanın hamilə nişanlısı rolunda çəkilmişdir.

Rejissor Jan-Pyer Jene ilə əməkdaşlıq onun karyerasının zirvəsidir. 2004-cü ildə lentə alınmış "Uzunmüddətli nikah" dramında Jene, Birinci Dünya müharibəsi zamanı, 4 əsgəri ilə birlikdə döyüşməkdən qorxaraq özünə qəsdən zədə yetirmiş və ölüm hökmünə məhkum edilmiş nişanlısını axtaran gənc qız Matildadan (bu rolu Odri Totu ifa etmişdir) bəhs edir. Marion Kotiyyar bu filmdə öz sevgilisini axtran keçmiş fahişə Tina Lomdardinin rolunu canlandırır, lakin onun sevgilisi ölmüşdür və Tina öz hirsini ittiham edilənin üzərinə tökür və onların öldürülməsinə nail olmaq istəyir. Bu rolu Marion çox həyatı şəkildə oynamışdır. Filmin rejissorunun sözlərinə görə filmin çəkilişi zamanı Marion ciddi əsəbi gərginlik keçirmişdir. Bu roluna görə Kotiyyar "ən yaxşı ikinci plan aktrisası" nominasiyasında "Sezar" mükafatına layiq görülmüşdür. "Uzunmüddətli nikah"dan sonra Marion ən çox tələb olunan fransız aktrisasına çevrildi. 2005-ci ildə onun iştirakı ilə 5 film çəkildi və 2006-cı ilin noyabrında Ridli Skotun "Yaxşı il" romantik komediyasının premyerası baş tutdu. Bu filmdə Marion Rassel Krou ilə birlikdə baş rollardan birini ifa etmişdi. 2007-ci ildə Marion "Çəhrayı həyat" filmində fransız müğənnisi Edit Piafın rolunu canlandırdı. Bu rola onu yüzlərlə aktrisanın arasından seçmişdilər. Bu rola görə Kotiyyar "Qızıl qlobus" və "Ən yaxşı aktrisa" nominasiyasında "Oskar" mükafatına layiq görülmüşdür.

2013-cü ildə David Bouinin "The Next Day" klipində çəkilmişdir.

2007-ci ildən etibarən aktyor Qiyom Kane (1973) ilə faktiki nikahdadır. Bir oğlan övladları var (Marsel Kane, 19.05.2011)

Kotiyyar — ekologiyanın müdafiəçilərindəndir və "Qrinpis"in üzvüdür. Marion kanadalı rok müğənni Houkli Vorkmanın (Hawksley Workman) pərəstişkarıdır vəonun iki klipində çəkilmişdir.

İl		Azərbaycanca adı	Orijinal adı	Rol
1995	qf	Qadağan edilmiş video	Snuff Movie
1996	f	"Mənim seksual həyatımın müzakirəsi"	Comment je me suis disputé… (ma vie sexuelle)	Tələbə qız
1996	tf	Xloe	Chloé	Xloe
1996	f	"Yaşıl gözəl"	La belle verte	Maşa
1996	f	Qağayı	La mouette	Valeriya
1998	f	Taksi	Taxi	Lili Bertino
1998	tf	Qocalmaq qadağandır	Interdit de vieillir	Abiqeyl Dunyak
1999	f	Dağlarda döyüş	La Guerre dans le Haut Pays	Jüli Bonzon
1999	f	Furiya	Furia	Eliya
1999	f	Amerikaya kimi davam edən mavi	Du bleu jusqu’en Amérique	Solanj
2000	qf	Markiz	Le Marquis
2000	f	Taksi 2	Taxi 2	Lili Bertino
2001	qf	Bumer	Boomer	Madam Bumer
2001	f	Liza	Lisa	Liza
2001	f	Sevimli qızlar	Les jolies choses	Mari/Lüsi
2002	f	Şəxsi araşdırma	Une affaire privée	Krarissa Entoven
2003	f	Taksi 3	Taxi 3	Lili Bertino
2003	f	Cəsarətin varsa, mənə aşıq ol	Jeux d’enfants	Sofi Kovalski
2003	f	İri balıq	Big Fish	Jozefina
2004	f	Günahsızlıq	Innocence	Madmuazel Yeva
2004	f	Uzunmüddətli nikah	Un long dimanche de fiançailles	Tina Lombardi
2005	f	Edi	Edy	Selina
2005	f	Kavalkada	Cavalcade	Alizi
2005	f	Səmada həyat	Ma vie en l’air	Elis
2005	f	Mariya	Mary	Qreten Mol
2005	f	Hörmətlə	Sauf le respect que je vous dois	Liza
2005	f	Qara qutu	La boîte noire	İzabella Krüger
2006	f	Sən və mən	Toi et moi	Lena
2006	f	Qara oyun	Fair Play	Nikol
2006	f	Yaxşı il	A Good Year	Fanni Şenal
2007	f	Çəhrayı həyat	La vie en rose	Edit Piaf
2009	f	Conni D.	Public Enemies	Billi Freşet
2009	f	Sonuncu uçuş	Le dernier Vol	Mari
2009	f	Doqquz	Nine	Luiza Kontini
2010	f	Başlanğıc	Inception	Mol
2010	f	Kiçik sirrlər	Les petits mouchoirs	Mari
2011	f	Parisdə gecəyarı	Midnight in Paris	Adriana
2011	f	Yoluxma	Contagion	Həkim Leona Orantes
2012	f	Qara cəngavər: Əfsanənin qayıdışı	The Dark Knight Rises	Miranda
2012	f	Pas və sümük	De rouille et d'os	Stefani
2013	f	Qaz qohumluğu	Blood Ties	Monika
2013	f	İmmigrant	The Immigrant	Eva Tsibulski
2014	f	Teleaparıcı 2: bir daha salam	Anchorman 2: The Legend Continues	kanadalı aparıcı
2014	f	İki gün, bir gecə	Deux jours, une nuit	Sandra
2014	qf	Los-ancelesdə snepşot	Snapshot in LA
2015	mf	Balaca şahzadə	The Little Prince	Roza
2015	f	Makbet	Macbeth	Ledi Makbet
2015	mf		Un monde truqué	Avril
2016	f	Qatilin kredosu	Assassin's Creed

f — film

qf — qısametrajlı

tf — televiziya filmi

mf — multiplikasiya filmi

• 2008 — Oskar mükafatı —ən yaxşı qadın rolu, Cəhrayı həyat filminə görə
• 2008 —Qızıl Qlobus — Cəhrayı həyat filminə görə
• 2008 — BAFTA mükafatı — Cəhrayı həyat filminə görə
• 2014 — Avropa kinoakademiyasının mükafatı — İki gün, bir gecə filminə görə