Mirzə Həmid bəy Vəzirov

Vəzirov Mirzə Həmid bəy Zeynalabdin bəy oğlu (1827, Şuşa – Şuşa) — hüquqşünas, barışdırıcı hakim.

Mirzə Həmid bəy Vəzirov
Mirzə Həmid bəy Zeynalabdin bəy oğlu Vəzirov
Doğum tarixi	1827
Doğum yeri	Şuşa, Şuşa qəzası
Vəfat yeri	Şuşa, Şuşa qəzası
Həyat yoldaşı	Qönçə xanım
Uşaqları	Zеynalabdin bəy, Fərrux bəy , Azad bəy, Cavad bəy, Xеyrənsə xanım
Atası	Zeynalabdin bəy
Təhsili	Şuşa rus-tatar məktəbi
Mükafatları

Mirzə Həmid bəy Vəzirov 1827-ci ildə Şuşa şəhərində doğulmuşdu. Şəhər rus-tatar məktəbini bitirmişdi. Əmək fəaliyyətinə 1845-ci ildə, Mehri polis sahəsində tərcüməçi kimi başlamışdı. Sonra Cavad və Vərəndə sahəsində mülki hakimin köməkçisi işləmişdi. Oralardan Dərbənd və Qars şəhərlərinə dəyişmiş, mülkü hakim vəzifəsində çalışmışdı.

Mirzə Həmid bəy Qönçə xanımla ailə qurmuşdu. Zeynalabdin (Zeynal bəy Vəzirov), Fərrux bəy Vəzirov , Azad bəy Vəzirov , Cavad bəy Vəzirov adlı oğulları, Xeyrənsə xanım adlı qızı vardı.

Mirzə Həmid bəyin kollec asessoru mülkü çini vardı. III dərəcəli "Müqəddəs Anna" və III dərəcəli "Müqəddəs Stanislav" ordenləri ilə təltif edilmişdi.

• Ənvər Çingizoğlu. Hacılılar. Bakı: "Soy" dərgisinin özəl nəşri, 2004, 238 səh.

• Vəzirovlar

Şəxs və ya bioqrafiya haqqında olan bu məqalə bu məqalə qaralama halındadır. Məqaləni redaktə edərək Vikipediyanı zənginləşdirin.