Miyake Setsurey
Miyake Setsurey (三宅 雪嶺?, 7 iyul 1860, Kanazava – 26 noyabr 1945) və ya doğum adı ilə Miyake Yuciro – Yaponiya filosofu, tarixçisi, jurnalisti və publisisti. Yaponiyanın Qərb dünyasını təqlid etməsi tənqid etmişdir.
| Miyake Setsurey | |
|---|---|
| yap. 三宅雪嶺 | |
 | |
| Doğum tarixi | 7 iyul 1860 |
| Doğum yeri | |
| Vəfat tarixi | 26 noyabr 1945 (85 yaşında) |
| Həyat yoldaşı |
|
| Təhsili | |
| Fəaliyyəti | jurnalist, filosof, tənqidçi |
| Mükafatları |
 |
 Vikianbarda əlaqəli mediafayllar | |
Həyatı
[redaktə | mənbəni redaktə et]Miyake Setsurey 1860-cı ildə Yaponiyanın İşikava prefekturasında yerləşən Kanazava şəhərində doğulmuşdur. Atası Kanazava klanına mənsub konfusiçi həkim idi.[1] 1883-cü ildə Ernest Fenollosanın tələbəsi olduğu və fəlsəfə təhsili aldığı Tokio Universitetindən məzun olmuşdur.[2]
Miyake bir neçə təhsil müəssisəsində dərs dedikdən sonra Qərb dünyanın hədsiz dərəcədə təriflənməsinin qarşısını almaq üçün Şiqa Şiqetaka, Suqiura Cuqo və digərləri ilə birlikdə təşkilat qurmağa qərar vermişdir. 1888-ci ildə Siyasi Təhsil Cəmiyyətini (Seykyoşa) və onun "Nihonjin" (hərf. "Yaponlar") adlı jurnalını təsis etmişdir. 1907-ci ildə "Nihon Oyobi Nihonjin" adını alan bu jurnal dövrün siyasətinə təsir edən hanbatsuları tənqid edən və Aşio mis mədəni qiyamı kimi hadisələri işıqlandıran platforma olmuşdur.[2] O, tez-tez Meyci hökumətini tənqid etdiyi üçün nəşrləri senzuraya məruz qalırdı.[3]
Miyake "Jitsugyo no Nihon" kimi nəşrlər üçün yazmış, Haseqava Nyozekan və Taoka Reyun kimi jurnalistlərin hamisi olmuşdur. 1920-ci ildə həyat yoldaşı Kaho Miyake ilə birlikdə "Josei Nihonjin" (hərf. "Yapon qadınları") jurnalını təsis etmişdir.[2] 1923-cü ildə "Gakan" jurnalını yaratmışdır. 1943-cü ildə "Mədəniyyət" ordeni ilə təltif olunmuşdur.[1]
Əsərləri
[redaktə | mənbəni redaktə et]Miyake 1891-ci ildə yazdığı "Yaponların yaxşılığı, dürüstlüyü və gözəlliyi" (Şinzenbi Nihoncin) və "Yaponların pisliyi, bədxahlığı və çirkinliyi" (Qiakuşu Nihoncin) əsərlərində saf milliyyətçilik fikrini müdafiə etmişdir. 1889-cu ildə "Tetsuqakukenteki" adlı fəlsəfi əsəri nəşr olunmuşdur.[1] 1908-ci ildə nəşr olunmuş "Kainat" (Uçu) əsərində Qərb və Şərq fəlsəfələrini sintezləyərək fəlsəfi sistem yaratmağa çalışmışdır. Altı cilddən ibarət "Dociday şi" əsərində dövrünün tarixi hadisələrini yazmışdır.[2]
İstinadlar
[redaktə | mənbəni redaktə et]- ↑ 1 2 3 "Miyake Setsurei". Portraits of Modern Japanese Historical Figures (ingiliscə). Milli Diet Kitabxanası. 2023-10-01 tarixində arxivləşdirilib. İstifadə tarixi: 17 avqust 2024.
- ↑ 1 2 3 4 Kodansha Encyclopedia of Japan. səh. 218
- ↑ The Japan Biographical Encyclopedia & Who's Who. səh. 878
Ədəbiyyat
[redaktə | mənbəni redaktə et]- Kodansha Encyclopedia of Japan (ingiliscə). V cild (Libr–Nijo). Tokio: Kodansha. 1983. səh. 218. ISBN 0-87011-625-8. İstifadə tarixi: 18 avqust 2024.
- The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 878. İstifadə tarixi: 18 avqust 2024.
