Natiq Cavadov

Natiq Hacı oğlu Cavadov (8 mart 1955, Əliağalı, Ağdam rayonu) — Milli Aerokosmik Agentliyinin (MAKA) baş direktoru, texnika elmləri doktoru, professor, Beynəlxalq və Azərbaycan Mühəndislik Akademiyasının həqiqi üzvü, Azərbaycan Respublikasının Kosmik Məsələlər üzrə Şuranın üzvü.

Natiq Cavadov
Natiq Hacı oğlu Cavadov
Doğum tarixi	8 mart 1955(1955-03-08) (69 yaş)
Doğum yeri	Əliağalı, Ağdam rayonu, Azərbaycan SSR, SSRİ
Vətəndaşlığı	SSRİ→ Azərbaycan
Elmi dərəcəsi	texnika elmləri doktoru
Elmi adı	professor
İş yeri	Milli Aerokosmik Agentliyinin baş direktoru
Təhsili	Bakı Dövlət Universiteti
Mükafatları
Vikianbarda əlaqəli mediafayllar

Natiq Cavadov 8 mart 1955-ci ildə Ağdam rayonunun Əliağalı kəndində anadan olmuşdur. 1971-ci ildə Bakı şəhərindəki 132 nömrəli orta məktəbi bitirmiş, elə həmin il Bakı Dövlət Universitetinin fizika fakültəsinə daxil olmuş və 1979-cu ildə oranı bitirmişdir. 1975-1977-ci illərdə hərbi xidmətdə olmuşdur. 1978-2003-cü illərdə Azərbaycan Milli Aerokosmik Agentliyində texnik, böyük texnik, mühəndis, böyük mühəndis, aparıcı mühəndis, partiya komitəsinin katibi, daha sonra Ağdam "Mikropribor" Elmi-Texniki Kompleksinin direktoru, Ağdam Mexaniki zavodunun direktoru və Bakı şəhərindəki Kosmik Cihazqayırma zavodunun direktoru vəzifəsində işləmişdir. 2003-cü ildən 2019-cu ilədək Azərbaycan Respublikası "Sənayeavtomatika" İstehsalat Birliyinin Baş direktoru olmuş, elə həmin il Azərbaycan Respublikası Müdafiə Sənayesi Nazirliyinin müvafiq əmri ilə Azərbaycan Milli Aerokosmik Agentliyinin Baş direktoru vəzifəsinə təyin olunmuşdur. 18 oktyabr 2011-ci il tarixdə Azərbaycan Respublikası Prezidentinin Sərəncamı ilə Respublikanın ictimai-siyasi, sosial-iqtisadi və mədəni həyatındakı xidmətlərinə görə "Tərəqqi" medalı ilə təltif edilmişdir. Ailəlidir, 2 övladı var.

1997-ci ildə - texnika elmləri namizədi, 2007-ci ildə texnika elmləri doktoru elmi adlarını almışdır. 2008-ci ildən Azərbaycan Texniki Universitetinin professoru, həmçinin Beynəlxalq Ekologiya və Təbiətdən İstifadə Akademiyasının akademikidir. 2003-cü ildən Beynəlxalq Mühəndislik Akademiyasının həqiqi üzvü, 2006-cı ildən Azərbaycan Mühəndislik Akademiyasının həqiqi üzvü, 2024-cü ildə Beynəlxalq Elmlər Akademiyasının həqiqi üzvüdür. 300-dən artıq elmi məqalənin, o cümlədən 5 monoqrafiya, 5 dərslik, 5 müəlliflik şəhadətnaməsinin, 15-dən çox patent müəllifidir. 90-dan çox elmi məqaləsi xarici ölkələrdə - İspaniya, Yunanıstan, İran, Türkiyə, Rumıniya, Rusiya, Belarus, Ukrayna, Avstriya və Latviyada çap edilmişdir.

• 1997-ci ildə - texnika elmləri namizədi

• 2007-ci il - texnika elmləri doktoru

• 2008-ci il - professor elmi adı

• 2009-cu il - "Azərbaycan Mühəndislik Akademiyasının xəbərləri" elmi-texniki jurnalının redaksiya heyətinin üzvü
• 2011-ci ildən - Moskvada nəşr edilən "Neft sənayesində avtomatlaşdırma, telemexanika və rabitə" elmi-texniki jurnalının redaksiya heyətinin üzvü
• 2011-ci ildə - Azərbaycan Mühəndislik Akademiyasının Nəzarət Təftiş Komissiyasının sədri
• 2019-cu ildən - Milli Aerokosmik Agentliyinin dövri nəşri olan “AMAKA-nın Xəbərləri” jurnalının baş redaktoru
• 2022-ci ildən - Milli Aerokosmik Agentliyinin dövri nəşri olan “Xüsusi texnika və texnologiyalar” jurnalının baş redaktoru
• Azərbaycan Respublikasının Prezidenti yanında Ali Attestasiya Komissiyasının nəzdində fəaliyyət göstərən Ekspert Şurasının sədri
• 2024- cü ildən - Azərbaycan Mühəndislik Akademiyası, “Mühəndislik və İnnovativ Texnologiyalar Departamenti”nin rəhbəri
• 2024- cü ildə - 2024-cü ildə Beynəlxalq Elmlər Akademiyasının həqiqi üzvü və “Aerokosmik Elmlər və Texnologiyalar” bölməsinin sədri seçilmişdir.

• "Tərəqqi" medalı – Azərbaycan Respublikası Prezidentinin 18 oktyabr 2011-ci il tarixli Sərəncamı ilə
• "Mühəndislik şöhrəti" medalı - 2011-ci il Beynəlxalq Mühəndislik Akademiyası
• 10-dan çox beynəlxalq sertifikata layiq görülmüşdür

• 30-dan çox beynəlxalq elmi konfranslarda iştirak etmişdir.

• 10-dan çox elmlər doktoru və texnika üzrə fəlsəfə doktoru